Exodus 1515ExodusThe sea crossing and the wildernessCishingini Bible

Cishingini BibleBerean Standard Bible

1. 1ASGƊa Musa n aza a Isaraila a yaꞋin vishipa vu nampa va a kubana a̱ ubuta̱ u Vuzavaguɗu, mi ta̱ a kuyaꞋan vishipa vu kucikpa Vuzavaguɗu, adama a na a̱yi ɗa u ciya̱i ulyaꞋi u gbayin. U vakangi kodoku n kakumbi ka̱ ni dem a mala.BSBBSB: Then Moses and the Israelites sang this song to the LORD: “I will sing to the LORD, for He is highly exalted. The horse and rider He has thrown into the sea.
2. 2ASGVuzavaguɗu ɗa katsura ka̱ va̱ a̱yi ɗa kpamu vishipa vu va̱, a̱yi ɗa wishi u va̱. A̱yi ɗa Ka̱shile ka̱ va̱, mi ta̱ a kucikpa yi, Ka̱shile ke esheku a̱ va̱, n kucikpa yi ta̱.BSBBSB: The LORD is my strength and my song, and He has become my salvation. He is my God, and I will praise Him, my father’s God, and I will exalt Him.
3. 3ASGVuzavaguɗu kovonshi kaꞋa, kula ku ni ku ɗa feu Vuzavaguɗu.BSBBSB: The LORD is a warrior, the LORD is His name.
4. 4ASGEkeke o odoku a FiriꞋauna n osoji a̱ ni, u vakangi le a mala. Aza a̱ gba̱ra̱-gba̱ra̱ a uzagbi a FiriꞋauna u niꞋwa̱nta̱ngi le a Mala ma Shili.BSBBSB: Pharaoh’s chariots and army He has cast into the sea; the finest of his officers are drowned in the Red Sea.
5. 5ASGƊa mini mu uga̱vi ma palai le, ɗa a liɓai sai ɗaka tsu katali.BSBBSB: The depths have covered them; they sank there like a stone.
6. 6ASGKukiye ku singai ku nu Vuzavaguɗu ki ta̱ n tsugbayin n utsura, n kukiye ku singai ku nu ku ɗaɗa vu la̱nga̱sa̱i irala.BSBBSB: Your right hand, O LORD, is majestic in power; Your right hand, O LORD, has shattered the enemy.
7. 7ASGN tsugbayin tsu utsura tsu nu tsu ɗa vu poloi aza a na i a tsurala n avu. Ɗa vu tsunki le wupa u nu, vu songi le n akina a̱ nu tsu mita̱ me ɗekpu.BSBBSB: You overthrew Your adversaries by Your great majesty. You unleashed Your burning wrath; it consumed them like stubble.
8. 8ASGN utsura wa ayinviki a na a̱ uta̱i a̱ vunu vu nu, ɗa mala mo ɓolongi a̱ ubuta̱ u te. Mini ma̱ a̱bunda̱i mo bonoi ma yaꞋin mashilya, mala ma̱ kutsa̱i an katali e mere ma mala ma.BSBBSB: At the blast of Your nostrils the waters piled up; like a wall the currents stood firm; the depths congealed in the heart of the sea.
9. 9ASG<<Vurala vi le vu danai, <N kusaɓa le ta̱, n kulyaꞋa le ta̱, n ku pecuku ta̱ ucanuku wa, n kuɗika ta̱ ili i na mi a kuciga, n kutala ta̱ kotokobi ka̱ va̱ ka̱ta̱ ekiye a̱ va̱ a una le.>BSBBSB: The enemy declared, ‘I will pursue, I will overtake. I will divide the spoils; I will gorge myself on them. I will draw my sword; my hand will destroy them.’
10. 10ASGAma ɗa vu uvula̱i n ayinviki a̱ nu, ɗa mala ma palai le, ɗa a liɓai tsu ka̱ta̱mba̱ punu a̱ mini ma gbayin.BSBBSB: But You blew with Your breath, and the sea covered them. They sank like lead in the mighty waters.
11. 11ASG<<Yayi a̱ ka̱tsuma̱ ka̱ a̱ma̱li wi uteku tsu nu Vuzavaguɗu? Yayi wi uteku tsu nu a̱ ka̱tsuma̱ ka tsugbayin n ciɗa, n utsura n tsugbayin a kuyaꞋan ili i mereve?BSBBSB: Who among the gods is like You, O LORD? Who is like You—majestic in holiness, revered with praises, performing wonders?
12. 12ASGVu ba̱ra̱kpa̱i kukiye ku usingai ku nu ɗa iɗika i soɗongi le.BSBBSB: You stretched out Your right hand, and the earth swallowed them up.
13. 13ASG<<N ucigi u gbayin u nu u ɗa vu ci yaꞋan kaguɓa ka uma a̱ nu a na vi isai. A̱ ka̱tsuma̱ ku utsura u nu u ɗa va kuguɓa le a kubana ubuta̱ wi ida̱shi u ciɗa u nu.BSBBSB: With loving devotion You will lead the people You have redeemed; with Your strength You will guide them to Your holy dwelling.
14. 14ASGIɗika kakau yi ta̱ a kupana ka̱ta̱ i dagaza, una̱mgbi u ka̱tsuma̱ u ka̱na̱ ta̱ aza a Filisitiya.BSBBSB: The nations will hear and tremble; anguish will grip the dwellers of Philistia.
15. 15ASGNgono n Edom mi ta̱ a kudagaza, aza a̱ gba̱ra̱-gba̱ra̱ a Mowabu i ta̱ a̱ kulima̱ adama atakaci, aza KanaꞋana i ta̱ a̱ kuniꞋwa̱n,BSBBSB: Then the chiefs of Edom will be dismayed; trembling will seize the leaders of Moab; those who dwell in Canaan will melt away,
16. 16ASGwovon n udagaji wi ta̱ a kuka̱na̱ le. Ama adama a utsura u kukiye ku nu, i ta̱ a kushamgba n utsura an katali, ali sai ayin a na uma a̱ nu a lazai, Vuzavaguɗu, ali sai ayin a na uma a na vu uta̱ka̱i a lazai.BSBBSB: and terror and dread will fall on them. By the power of Your arm they will be as still as a stone until Your people pass by, O LORD, until the people You have bought pass by.
17. 17ASGVi ta̱ a̱ kuɗika le ka̱ta̱ vu shikpa̱ le, a kusan ku nu, ubuta̱ u na avu Vuzavaguɗu vu lapulukai ka̱ci ka̱ nu, A̱ A̱Ꞌisa̱ a na avu Vuzavaguɗu, vu lapulukai ka̱ci ka̱ nu.BSBBSB: You will bring them in and plant them on the mountain of Your inheritance—the place, O LORD, You have prepared for Your dwelling, the sanctuary, O Lord, Your hands have established.
18. 18ASGVuzavaguɗu wi ta̱ a kulyaꞋa tsugono, ali ayin babu uteku.>>BSBBSB: The LORD will reign forever and ever!”
19. 19ASGAna odoku a FiriꞋauna n ekeke o odoku n akumbi e le a uwai a mala ma, ɗa Vuzavaguɗu u bonokoi m mini ma, u palai le m maꞋa, ama aza a Isaraila a walai a iɗika i ɗekpu punu e mere ma mala ma.BSBBSB: For when Pharaoh’s horses, chariots, and horsemen went into the sea, the LORD brought the waters of the sea back over them. But the Israelites walked through the sea on dry ground.
20. 20ASGƊa taku vu Haruna Miriyamu keneki, u ɗikai ma̱ka̱nlu e ekiye a̱ ni ɗa ta na a̱ma̱ci n a̱bunda̱i o tonoi ni, a̱ ka̱na̱i tsuwaꞋi n e jeꞋi.BSBBSB: Then Miriam the prophetess, Aaron’s sister, took a tambourine in her hand, and all the women followed her with tambourines and dancing.
21. 21ASGƊa Miriyamu u yaꞋin vishipa vu nampa, <<Ci yaꞋankai Vuzavaguɗu vishipa, adama a na a̱yi ɗa u ciya̱i ulyaꞋi u gbayin. A̱yi ɗa u niꞋwa̱nta̱ngi odoku n akumbi e le dem a mala.>>BSBBSB: And Miriam sang back to them: “Sing to the LORD, for He is highly exalted; the horse and rider He has thrown into the sea.”
22. 22ASGƊaɗa Musa u tonoi n aza a Isaraila, ana a̱ ka̱sukpa̱i Mala ma Shili, ɗa u zuwai le a wala e meremune ma na e ci ɗeke Shuru. A yaꞋan ta̱ ayin a tatsu, ele a kuwala e meremune ma nanlo ama e ene mini ba.BSBBSB: Then Moses led Israel from the Red Sea, and they went out into the Desert of Shur. For three days they walked in the desert without finding water.
23. 23ASGAna a yawai a Mara a fuɗa o soꞋo mini ma ba, adama a na mini ma mi ta̱ n okono. (I ɗaɗa i zuwai ɗa e ɗekei ubuta̱ wa Mara.)BSBBSB: And when they came to Marah, they could not drink the water there because it was bitter. (That is why it was named Marah.)
24. 24ASGƊa uma a yaꞋankai Musa mololo, a danai, <<Yiɗa̱i tsa ɗamgba tso soꞋo?>>BSBBSB: So the people grumbled against Moses, saying, “What are we to drink?”
25. 25ASGƊa Musa u shiꞋika̱i Vuzavaguɗu, ɗa Vuzavaguɗu u yotsongi ni kacaka ka maɗanga. Ɗa u ɗikai u vakangi kaꞋa punu a̱ mini ma, ɗa mini ma mo bonoi uyoꞋo. A̱ ubuta̱ wa ɗe ɗa Vuzavaguɗu u nekei le kupiꞋisa n wila̱, ɗa kpamu u kondoi le.BSBBSB: And Moses cried out to the LORD, and the LORD showed him a log. And when he cast it into the waters, they were sweetened. There the LORD made for them a statute and an ordinance, and there He tested them,
26. 26ASGƊa u danai, <<I pana baci ka̱la̱ka̱tsu ka Vuzavaguɗu Ka̱shile ka̱ ɗa̱ mayin, ɗa i yaꞋin ili i na i gaꞋin ni kpamu, ɗa i tonoi ili i na u danai derere. Ɗa kpamu i tonoi wila̱ u ni ra̱ka̱, mpa mi a̱ kutuka̱ ɗa̱ n ila̱nishi tsu na n suꞋuki aza a Masar ba, adama a na mpa ɗa Vuzavaguɗu vu na u tsu potsotongu ɗa̱.>>BSBBSB: saying, “If you will listen carefully to the voice of the LORD your God, and do what is right in His eyes, and pay attention to His commands, and keep all His statutes, then I will not bring on you any of the diseases I inflicted on the Egyptians. For I am the LORD who heals you.”
27. 27ASGƊaɗa uma a a yawai e Elim, a̱ ubuta̱ u na wi n a̱shi a̱ mini kupa n e re ni nshuwa amangatatsunkupa. Ɗa a vaki lo ɗevu n ubuta̱ u mini wa.BSBBSB: Then they came to Elim, where there were twelve springs of water and seventy palm trees, and they camped there by the waters.