Mark 77MarkMinistry in GalileeHwana Bible

Hwana BibleBerean Standard Bible

1. 1HWOFarɗa sǝ ɓagha fingya Farisaya tǝ famalǝmngya ngyakhrha a Urshalima ɓa, wuma nda thlǝmad Yeeso ɓa.BSBBSB: Then the Pharisees and some of the scribes who had come from Jerusalem gathered around Jesus,
2. 2HWOƘǝla nda hai fingya fatsahaya Yeeso kanda a hǝb ǝnnarhami haryi ndan tǝ “Paarha”, ndǝna haryi ndan kula tsaɓrha ɗǝ.BSBBSB: and they saw some of His disciples eating with hands that were defiled—that is, unwashed.
3. 3HWOƘǝsǝr Farisaya tǝ Yahudaya mba nda hǝb ǝnnarhami kanda kula tsaɓang har ndan ɗǝ wa, ƙǝs nda ǝntin shingya ha.BSBBSB: Now in holding to the tradition of the elders, the Pharisees and all the Jews do not eat until they wash their hands ceremonially.
4. 4HWONǝghǝn kee ƙǝm mba nda kii ˈya hiina nda ɓa ahu kasu wa ƙǝl tsaɓang na nda haryi ndan ɗǝ ˈwan. Na ǝntingya sǝ ƙǝm hangga na nda lafrha, ƙǝla tsab ɗengya tǝ ɓǝǝya tǝ tasaukya tǝ ɓaleeya tǝ ǝnfuya.BSBBSB: And on returning from the market, they do not eat unless they wash. And there are many other traditions for them to observe, including the washing of cups, pitchers, kettles, and couches for dining.
5. 5HWOTǝrgha Farisayini tǝ famalǝngya ngyakhrha tsahang mee nda Yeeso, “Kama mbuwana fatsahayiwa takkwa ǝntin shingginǝm, na nda a ǝna ˈya mii tǝ har paaya?”BSBBSB: So the Pharisees and scribes questioned Jesus: “Why do Your disciples not walk according to the tradition of the elders? Instead, they eat with defiled hands.”
6. 6HWONggǝmangga Yeeso kanda, Kun fa thlǝrɓuya! A ten nun ni thlǝkna annabi Ishaya pathɗiya, ƙǝla nanǝn chichireethlee hai tǝ ndaarha, “‘Nafiniya, ahu mii ndan ni kee na nda fǝre mamnggirha, amma hur yi ndan nǝghǝn inggun ma nggi;BSBBSB: Jesus answered them, “Isaiah prophesied correctly about you hypocrites, as it is written: ‘These people honor Me with their lips, but their hearts are far from Me.
7. 7HWOka ni kee na nda a tǝree shilee teena, ƙǝsǝr ɗǝfangganda tsahad ǝntina a mbee, ma ˈya ndana Faara.’”BSBBSB: They worship Me in vain; they teach as doctrine the precepts of men.’
8. 8HWO“Malanggun ˈya ndana Faara ƙǝs ǝntina nun ha ǝnana chichiyi nun.”BSBBSB: You have disregarded the commandment of God to keep the tradition of men.”
9. 9HWONdanggǝn kanda, “Kar ngyakhrha Faara nun fa ka a laf ngyakhrha ǝntin chingginun nun!BSBBSB: He went on to say, “You neatly set aside the command of God to maintain your own tradition.
10. 10HWOƘǝsǝr ndagha Musa, ‘Fǝrang mamnggirha nda muwa tǝ tsu,’ tǝ ƙǝm, ‘Kala niifa ˈyargha chin nduwa man na nda ɓǝlang nda.’BSBBSB: For Moses said, ‘Honor your father and your mother’ and ‘Anyone who curses his father or mother must be put to death.’
11. 11HWOAmma nduwun, a ndang niifa chin nduwa man, ‘ˈYa niya kya ɗang nda kunsǝ, ˈwaɗi teena ɗǝfangɗi ndǝn Faara ɗǝ,’BSBBSB: But you say that if a man says to his father or mother, ‘Whatever you would have received from me is Corban’ (that is, a gift devoted to God),
12. 12HWOtǝrgha mbun malang niifɗiya ɗanggǝn chin sǝ nduwa man wa.BSBBSB: he is no longer permitted to do anything for his father or mother.
13. 13HWOTsawanggun laɓar Faara mbǝ ˈya ni na ngga wa, ka ǝntin ngginun. Nun naarha ǝna ǝngya kee hangga.”BSBBSB: Thus you nullify the word of God by the tradition you have handed down. And you do so in many such matters.”
14. 14HWOFiya wumngga hai nggǝrgha Yeeso aah kanda thlǝmadghǝn ɓa, ndanggǝn kanda, “Keema thlǝmarha fa kun heu, a sǝn ǝnɗanun ya.BSBBSB: Once again Jesus called the crowd to Him and said, “All of you, listen to Me and understand:
15. 15HWOˈYa na a ƙǝshi kyagha hur niifa ɗǝ mbǝ ndǝna tsawang tǝ paarha wa, amma ƙǝl ˈya na a kyarha sǝ ahurghǝn ndǝna tsawang nda tǝ paarha fa.BSBBSB: Nothing that enters a man from the outside can defile him; but the things that come out of a man, these are what defile him.”
16. 16HWOYi na tǝ thlǝmad sǝkrha sǝkƙǝnǝn.”BSBBSB: Not in the BSB
    Not in the earliest manuscripts
17. 17HWOA kwasamadɗi malna Yeeso fiya kyanǝn hur minda hai, fatsahayighǝn tsahang mee nda ha aten karapu ɗi ya.BSBBSB: After Jesus had left the crowd and gone into the house, His disciples inquired about the parable.
18. 18HWOTsahangga Yeeso mee kanda, “Sǝnanggun hai wa? Mbun a naghǝn wa ˈya kyagha hur niifa ɗǝ a ƙǝshi mbǝ ndǝna tsawang nda tǝ paarha fa wa?BSBBSB: “Are you still so dull?” He asked. “Do you not understand? Nothing that enters a man from the outside can defile him,
19. 19HWOƘǝsǝr kyawa ahurghǝn hai wa amma ahu mbǝbǝlǝmndǝghǝn ɗǝ, nggǝrghǝn kyarha sǝ a fadghǝn.” (Thlǝk nǝn pathɗiya a kyad ndaarha nǝn ǝnnarhami heu na nda ngga.)BSBBSB: because it does not enter his heart, but it goes into the stomach and then is eliminated.” (Thus all foods are clean.)
20. 20HWOƊǝgha mbeeɗǝ tǝ ndaarha, “ˈYa na a kyarha ɓa ahur niifa ndǝna tsawang nda tǝ ‘paarha fa’.BSBBSB: He continued: “What comes out of a man, that is what defiles him.
21. 21HWOƘǝsǝr ahur niifa sǝ, ndǝna numad ǝn mbǝlfeeya kyarha ɓa, susuwayirha, ngaara, ɓǝl farha, kulafayirha,BSBBSB: For from within the hearts of men come evil thoughts, sexual immorality, theft, murder, adultery,
22. 22HWOkwit hura, mbǝlfeerha, nggaɓarha, suna, sǝrǝkkirha, sǝb thlǝma, nggǝm alteena, tǝ yamid huteena.BSBBSB: greed, wickedness, deceit, debauchery, envy, slander, arrogance, and foolishness.
23. 23HWOƏn mbǝlfeeyini na heu ya na nda kyarha sǝ ahur niifa; nǝn tsawang niifa ‘ɗimirha.’ ”BSBBSB: All these evils come from within, and these are what defile a man.”
24. 24HWOTǝrgha Yeeso mal Nggalili nǝn ɗǝgha hu chehweed Taya ɗǝ tǝ Sidon. Kyagha hur minda hai mbǝ midghǝn sǝ a sǝngga fiya sǝ wa, amma mbǝ mbang ɓǝɓeng ɓadghǝn ɓa wa.BSBBSB: Jesus left that place and went to the region of Tyre. Not wanting anyone to know He was there, He entered a house, but was unable to escape their notice.
25. 25HWOA mbǝɗi kee, nuneefa sǝ na wutaradghǝn tǝ ǝnkaheerha fa, sǝknǝn laɓar Yeeso ɓagha ɓa ɓǝrgha hai a mbedghǝn.BSBBSB: Instead, a woman whose little daughter had an unclean spirit soon heard about Jesus, and she came and fell at His feet.
26. 26HWONuɗi tǝ Helenarha ni, nggǝtgha ndan a Fǝnikiya a chehweed Suriya. Hwan Yeeso nǝn a kyanggǝn ǝnkaheedɗa sǝ a fad wutaradghǝn.BSBBSB: Now she was a Greek woman of Syrophoenician origin, and she kept asking Jesus to drive the demon out of her daughter.
27. 27HWONdangga Yeeso, “Malang wundakhnaya ˈwan nggaala nda, ƙamngwa tǝranggǝm ǝnnadmid wundakhnaya fǝranggǝnǝm wuɗaya wa.”BSBBSB: “First let the children have their fill,” He said. “For it is not right to take the children’s bread and toss it to the dogs.”
28. 28HWONdangga nuɗi Yeeso, “nǝghǝn kee, Chinǝm, amma na wuɗaya ǝna fǝfǝsǝrra ǝnnarhami na a hǝra hai ahar wundakhnaya.”BSBBSB: “Yes, Lord,” she replied, “even the dogs under the table eat the children’s crumbs.”
29. 29HWONdangga Yeeso, “Ƙǝsǝr ka laɓarɗi kyawa nggǝreena sǝ ya, wiu fayiwa, ǝnkaheedɗi kyaɗa sǝ a fad wutarad wa.”BSBBSB: Then Jesus told her, “Because of this answer, you may go. The demon has left your daughter.”
30. 30HWOƊǝgha nuɗi wure ɗǝ ɗǝgha wal wutaradɗi keeghǝn kath hu sǝra, ɗǝkɗa hai tǝ ǝnkaheedɗi.BSBBSB: And she went home and found her child lying on the bed, and the demon was gone.
31. 31HWOTǝrgha malgha Yeeso chehweed Taya kyagha tǝ chehweed Sidon tǝ chehweerha na tǝ Talya Kum ɗǝgha wuri aam Nggalili ɗǝ.BSBBSB: Then Jesus left the region of Tyre and went through Sidon to the Sea of Galilee and into the region of the Decapolis.
32. 32HWONa nafiya sǝ ɓagha ɓa tǝ niifa a Yeeso na teɓeng tǝ ƙǝm mbǝ mbang kaala sǝ wa. Hwanggǝnda a ɗǝfang haara nǝn teena.BSBBSB: Some people brought to Him a man who was deaf and hardly able to speak, and they begged Jesus to place His hand on him.
33. 33HWOƊǝgha Yeeso tǝ teɓeng ɗi man patu ɗǝ ma fiya, panggǝn wan haryighǝn ahu thlǝmadghǝn ɗǝ. Chakh yakhrha nǝn hai, tsuwar sheneu niifɗa nǝn.BSBBSB: So Jesus took him aside privately, away from the crowd, and put His fingers into the man’s ears. Then He spit and touched the man’s tongue.
34. 34HWOƘǝlagha Yeeso talara sǝ yibgha fa kaan ndanggǝn, “Ifata!” Ndǝna “Inuɗǝ!”BSBBSB: And looking up to heaven, He sighed deeply and said to him, “Ephphatha!” (which means, “Be opened!”).
35. 35HWOTǝrgha ingga thlǝmad niifɗa ɗǝ, kwasgha sheneuƙǝn hai nagha a ndikrha fa ngga.BSBBSB: Immediately the man’s ears were opened and his tongue was released, and he began to speak plainly.
36. 36HWONdangga Yeeso kanda a pǝrang ndan niifa wa. Amma ndǝghǝn aten yanang kanda, kanda aten pǝrghǝn ɗǝ.BSBBSB: Jesus ordered them not to tell anyone. But the more He ordered them, the more widely they proclaimed it.
37. 37HWOƘǝsgha ǝnwulteena fiya kaan na nda a ndaarha, “Ənaɗǝ ǝngya heu ngga, ƙǝnanggǝn teɓengya tǝ fingya mbuwa mbang kalasǝ.”BSBBSB: The people were utterly astonished and said, “He has done all things well! He makes even the deaf hear and the mute speak!”