Micah 44MicahHope: the coming kingdomTsikimba Old Testament

Tsikimba Old TestamentBerean Standard Bible

1. 1KDLA a'ayin a ɗa a ka tuwa̱ masasa ma Kuwa ku Kashila̱ ku Magono ma Zuba ma woko ta̱ masasa ma ma lai karinga̱; a ka ra̱ɗugba̱ ta̱ ma ma lai aga̱la̱la̱. Ama a ushani a ka ta̱sa̱ ta̱ ubana pini tyoku u aga̱ta̱ a ɗa a ka yene.BSBBSB: In the last days the mountain of the house of the LORD will be established as the chief of the mountains; it will be raised above the hills, and the peoples will stream to it.
2. 2KDLKakuma̱ ka ama ushani a ka tuwa̱ ta̱ a dana, <<Tuwa̱i tsu banai a masasa ma Magono ma Zuba, ubana a Kuwa ku Kashila̱ ku Yakubu. Wa wenishike tsu ta̱ ire i ne, tsu wala kpam a ure u ne.>> Kpaci mele ma wuta̱ ta̱ a Sihiyona, a Urishelima kpam kadyanshi ka Magono ma Zuba ka tambura a ubana a asu u ama.BSBBSB: And many nations will come and say: “Come, let us go up to the mountain of the LORD, to the house of the God of Jacob. He will teach us His ways, so that we may walk in His paths.” For the law will go forth from Zion and the word of the LORD from Jerusalem.
3. 3KDLWa yanka ta̱ ama ushani afada kpam wa tuko ta̱ makorishi ma ibili ma uyamba u ucira u ɗa wa̱ri mɓa̱ri. A gonuko iburundu i le mberu ma ucimba, asovu a le kpam mmuwun ma ugyara nɗanga. Uyamba wa doku wa ra̱ɗugba̱ burundu u ne a uyamba u roku wa, kpam a ka doku a rotsongusu ure u kuvon wa.BSBBSB: Then He will judge between many peoples and arbitrate for strong nations far and wide. Then they will beat their swords into plowshares and their spears into pruning hooks. Nation will no longer take up the sword against nation, nor will they train anymore for war.
4. 4KDLYa dem wa dusuku ta̱ yaa u lyai ilimaci i katyaci ka cinwi n maɗanga ma kapopi a kuwa ku ne. Uza wa̱ la wa giruwusa̱ yi wa, kpaci Magono ma Zuba ma Ucira Gba̱ aya u danai nala.BSBBSB: And each man will sit under his own vine and under his own fig tree, with no one to frighten him. For the mouth of the LORD of Hosts has spoken.
5. 5KDLKo an u wokoi gba̱ ama ya dem wa tono ta̱ ameli a ne; shegai a̱tsu tsa tono ta̱ Magono ma Zuba Kashila̱ ka tsunu a ubana.BSBBSB: Though all the nations may walk in the name of their gods, yet we will walk in the name of the LORD our God forever and ever.
6. 6KDLMagono ma Zuba ma danai, <<A kain ka nala ki, ma ɓolomgbono ta̱ awunu, aza ɗa n bankai tsuwula̱, wata, aza ɗa n yain mavura.BSBBSB: “On that day,” declares the LORD, “I will gather the lame; I will assemble the outcast, even those whom I have afflicted.
7. 7KDLMa gonuko ta̱ awunu ama va̱ aza ɗa a buwai, aza ɗa a lokoi kpam a woko kakuma̱ ka ama ka ucira. Magono ma Zuba ma lya ta̱ tsugono a kaci ka le a masasa ma Sihiyona ili i'ya i bidyai a kain kala ki ubana.BSBBSB: And I will make the lame into a remnant, the outcast into a strong nation. Then the LORD will rule over them in Mount Zion from that day and forever.
8. 8KDLAvu Urishelima, kunukuzuba ku uza u uwundya ushiga, asu u kpawan u aza a Sihiyona, asu u ɗe ɗa tsugono tsu cau tsa gono, tsugono tsu nala tsi tsu ɗe tsa aza a Urishelima.>>BSBBSB: And you, O watchtower of the flock, O stronghold of the Daughter of Zion—the former dominion will be restored to you; sovereignty will come to the Daughter of Jerusalem.”
9. 9KDLNdya i zuwai gogo-na ya sa̱ cika, i'a̱ri n magono wa ɗa? Uza u na̱ka̱ adooki u ɗe u kuwa̱ ɗe ɗa? Adama a nala ɗa i'a̱ri a asuvu a upana u ikyamba yavu uka ɗa wa̱ri asuvu mɓa̱la̱ ma ilimaci.BSBBSB: Why do you now cry aloud? Is there no king among you? Has your counselor perished so that anguish grips you like a woman in labor?
10. 10KDLAza a Sihiyona, ikai n ucira, yavu uka u ɗa wa̱ri nkuɗi ma ilimaci, kpaci gogo-na u ka̱na̱ ta̱ i a̱sa̱ka̱ a ilyuci yi, i bana i dusuku a kakura̱. Ya bana ta̱ a Babila, ɗe ɗa a ka wauwa ɗa̱. Ɗe ɗa Magono ma Zuba ma wusa ɗa a kukere ku atokulalu a ɗe.BSBBSB: Writhe in agony, O Daughter of Zion, like a woman in labor. For now you will leave the city and camp in the open fields. You will go to Babylon; there you will be rescued; there the LORD will redeem you from the hand of your enemies!
11. 11KDLShegai gogo-na uyamba ushani a ɓolomgbono ɗe a ka yan tsilala n a̱ɗa̱. A dana, <<U ka̱na̱ ta̱ Urishelima u woko n nshinda̱! A̱sa̱ka̱ tsu wene uwono u ilyuci yi.>>BSBBSB: But now many nations have assembled against you, saying, “Let her be defiled, and let us feast our eyes on Zion.”
12. 12KDLShegai a reve uyanwusa u Magono ma Zuba n afoɓi a ne wa, kpaci u ɓolomgbono le ta̱ yavu ndolu ma ilya, ilya i'ya a bankai asu u ulapa u ilya.BSBBSB: But they do not know the thoughts of the LORD or understand His plan, for He has gathered them like sheaves to the threshing floor.
13. 13KDLMagono ma Zuba ma danai, <<'Ya̱nga̱i i kpatsa uyamba, aza a Sihiyona! Kpaci ma na̱ka̱ ɗa̱ ta̱ avana a urim, a'ene a ɗe kpam a urim u shili, adama ɗa i kpatsa uyamba ushani yuku-yuku. Pini nala utsa̱ri u le u ɗa a bokoi ya neke ta̱ u ɗa gba̱ a asu u Magono ma Zuba, udukuyan u le kpam asu u Uzapige u likimba gba̱.>>BSBBSB: Rise and thresh, O Daughter of Zion, for I will give you horns of iron and hooves of bronze to break to pieces many peoples. Then you will devote their gain to the LORD, their wealth to the Lord of all the earth.