Mark 3 (LAG) · Opened

1Yéesu ajáa ɨɨngɨra kei na sinagóogii. Aho, kwajáa kwatɨɨte mʉʉntʉ ˆajáa na mʉkono ˆwaakwya iyandiyandi.Once again Jesus entered the synagogue, and a man with a withered hand was there.

2Vamwɨ va vaantʉ ˆvajáa aho, vakaanda mʉlaangisha Yéesu, voone koonɨ arɨ mʉhorya ʉra mʉʉntʉ sikʉ ya Sabáato, sa vamusitaakye.In order to accuse Jesus, they were watching to see if He would heal on the Sabbath.

3Yéesu akamʉsea ʉra mʉʉntʉ mʉkono ˆwaakwya iyandiyandi, “Seesa, ɨma aha mbere ya vaantʉ voosi.”Then Jesus said to the man with the withered hand, “Stand up among us.”

4Yéesu akavuurya, “Nɨ virikwi noo Miiro yaruma tʉtʉmame sikʉ ya Sabáato? Kʉtʉmama mʉrɨmo mʉʉja, bakʉ kʉtʉmama mʉrɨmo mʉvɨ? Kʉlamurirya nkaasʉ, bakʉ kʉʉlaa?” Maa kaa, voovo sɨ vuuyirya kɨɨntʉ tʉkʉ.And He asked them, “Which is lawful on the Sabbath: to do good or to do evil, to save life or to destroy it?” But they were silent.

5Akavatuurirya miiso na nkalari, kʉnʉ yookoona ʉsʉʉngʉ sa ʉfafu wa mɨtɨma yaavo. Maa akamʉsea ʉra mʉʉntʉ, “Wolola mʉkono waako!” Ne akawolola mʉkono waachwe, ʉkava nkaasʉ kei!Jesus looked around at them with anger and sorrow at their hardness of heart. Then He said to the man, “Stretch out your hand.” So he stretched it out, and it was restored.

6Hahara, vara Mafarisáayo vakafuma na weerwii vakaanda kiiheera mɨryʉʉngʉ na mpuka ya vaantʉ va mʉtemi Heróode, ˆvyeene varɨ mʉʉlaa Yéesu.At this, the Pharisees went out and began plotting with the Herodians how they might kill Jesus.

7Yéesu na vapooji vaachwe vakiinʉka aho, vakadoma fʉʉrʉ mbarɨmbarɨ ya iriva ra Galiláaya. Mpuka nkʉʉlʉ ya vaantʉ vamutuubáa. Vaantʉ avo vajáa vafúmire kɨra haantʉ, ɨsɨ ja kʉlɨ na heehi, Galiláaya, Yudéea, Yerusaléemu, Idumáaya, ɨsɨ yoosi nyambʉko ya luujii lwa Yorodáani, na va heehi na míiji ya Tíiro na Sidóoni. Vaantʉ voosi avo, vʉʉja sa vajáa vatéɨɨre masáare ˆmeene Yéesu atʉmamáa.So Jesus withdrew with His disciples to the sea, accompanied by a large crowd from Galilee, Judea,

9Yéesu akavasea vapooji vaachwe, “Mbiikiri mashʉ́wa ɨmwɨ neeja, naambʉke, sa vaantʉ jo kʉʉnfenyenkererya.”Jesus asked His disciples to have a boat ready for Him so that the crowd would not crush Him.

10Yéesu alʉʉsa jeyyo, sa ajáa avahóriirye vaantʉ ˆvarɨ foo, na vaantʉ voosi vara ˆvajáa na ndwáala viifenyenkereryáa, sa vamʉsaasye.For He had healed so many that all who had diseases were pressing forward to touch Him.

11Mirimʉ mɨvɨ ˆɨkamoone, yiivayyáa mbere yaachwe kʉnʉ yootʉla isóso yoosea, “Weewe ʉrɨ Mwaana wa Mʉlʉʉngʉ!”And when the unclean spirits saw Him, they fell down before Him and cried out, “You are the Son of God!”

12Yéesu akɨɨkaanʼya ɨrekereeke kwaarya masáare yaachwe kwa vaantʉ.But He warned them sternly not to make Him known.

13Aho, Yéesu akaambʉka na luulwii, akavaanɨrɨra vara ˆveene yeeye avasaakáa, maa vakʉʉja na kʉrɨ yeeye.Then Jesus went up on the mountain and called for those He wanted, and they came to Him.

14Akavasaawʉla ikimi na vavɨrɨ, vave vatumwi vaachwe, vandooyeendanʼya ne, sa ɨndoovatʉma no vavariyʉrɨra Masáare ˆYarɨ Mpeho.He appointed twelve of them, whom He designated as apostles, to accompany Him, to be sent out to preach,

15Baa kei, vave na wiimiriri wo kibirya mirimʉ mɨvɨ.and to have authority to drive out demons.

16Na ava noo vatumwi ikimi na vavɨrɨ ˆveene Yéesu avasaawʉla: Simóoni, ˆmweene Yéesu amwaanɨrɨra Peéteri,These are the twelve He appointed: Simon (whom He named Peter),

17Yaakúupu na Yooháani vala sha Sebedáayo ˆveene avaanɨrɨra Bonéege, noo kʉsea, “Vaana va kɨdandárɨka,”James son of Zebedee and his brother John (whom He named Boanerges, meaning “Sons of Thunder”),

18Anderéa na Filíipi, Batolomáayo, Matáayo, Tomáasi, Yaakúupu sha Alʉfáayo, Tedéei, Simóoni MʉkanáaniAndrew, Philip, Bartholomew, Matthew, Thomas, James son of Alphaeus, Thaddaeus, Simon the Zealot,

19na Yʉ́ʉda Isikarióoti ˆamʉvarindʉka Yéesu.and Judas Iscariot, who betrayed Jesus.

20Yéesu akahɨndʉka na kaayii, mpuka ya vaantʉ ɨkaanda kiijiinga kei, fʉʉrʉ yeeye na vapooji vaachwe vakasova baa nkalo yo rya chákurya.Then Jesus went home, and once again a crowd gathered, so that He and His disciples could not even eat.

21Kaayii kwaavo ˆvakateere masáare ˆmeene yalʉʉswáa, maa vakadoma noo mʉsʉmʉla sa viiseáa, “Asárire!”When His family heard about this, they went out to take custody of Him, saying, “He is out of His mind.”

22Hara mpukii, vajáa vamwaarɨ vakiindya va Miiro ˆveene vajáa vafuma Yerusaléemu. Avo vakiindya vaseáa, “Ʉhʉ atɨɨte Belisebúuri, na nɨ kwa lʉvɨro lwa Irimʉ yookibirirya mirimʉ mɨvɨ.”And the scribes who had come down from Jerusalem were saying, “He is possessed by Beelzebul,” and, “By the prince of the demons He drives out demons.”

23Yéesu akavaanɨrɨra, akalʉʉsɨka novo kwa símo akavasea, “Joolɨ Irimʉ rɨrɨ daha kibirya Irimʉ mwiiwaachwe?So Jesus called them together and began to speak to them in parables: “How can Satan drive out Satan?

24Koonɨ ʉtemi ʉmwɨ wiigávire haantʉ havɨrɨ kwiilwa woowo kwa woowo, ʉtemi ʉwo sɨ ʉrɨ lʉʉnga tʉkʉ.If a kingdom is divided against itself, it cannot stand.

25Baa kei, koonɨ lʉkolo lʉmwɨ lwiigáviregavire, ʉlo lʉkolo sɨ lʉrɨ lʉʉnga tʉkʉ.If a house is divided against itself, it cannot stand.

26Noo jeyyo, koonɨ Irimʉ riikɨ́ɨkɨɨne rooreene na rɨve riigávire, sɨ rɨrɨ lʉʉnga tʉkʉ.And if Satan is divided and rises against himself, he cannot stand; his end has come.

27Maa kaa, kusiina mʉʉntʉ ˆarɨ daha kɨɨngɨra nyuumbii ya mʉʉntʉ ˆarɨ na ngururu na anyahɨre máari jaachwe tʉkʉ, nɨ mpaka ta amuchuunge ʉwo mʉʉntʉ ˆarɨ na ngururu, de adahe nyahɨra máari jaachwe ˆarɨ nojo.Indeed, no one can enter a strong man’s house to steal his possessions unless he first ties up the strong man. Then he can plunder his house.

28Kɨmaarɨ noovawyɨɨra, ʉvɨ woosi wa vaantʉ na uhiintiki waavo woosi Mʉlʉʉngʉ sea arɨ wasírire.Truly I tell you, the sons of men will be forgiven all sins and blasphemies, as many as they utter.

29Maa kaa, mʉʉntʉ ˆmweene arɨ mʉhɨɨntɨkɨra Mʉtɨma Mʉʉja, Mʉlʉʉngʉ sɨ arɨ sea ʉvɨ waachwe wasírire vii kaa tʉkʉ, na kʉva arɨ mʉvɨ kwa sikʉ ˆjisiina ʉhero.”But whoever blasphemes against the Holy Spirit will never be forgiven; he is guilty of eternal sin.”

30Yéesu alʉʉsa jeyyo sa vajáa vamʉséire, “Atɨɨte murimʉ mʉvɨ.”Jesus made this statement because they were saying, “He has an unclean spirit.”

31Mpɨɨndɨ kiduudi, akʉʉja íyo waala Yéesu na vaanaavo na Yéesu, vakɨɨma mbarɨmbarɨ, maa vakatʉma mʉʉntʉ amwaanɨrɨre.Then Jesus’ mother and brothers came and stood outside. They sent someone in to summon Him,

32Na vaantʉ ˆvajáa viíkyɨɨre vakamʉrɨɨngɨrɨra, vakamʉsea, “Íyo waanyu na vaanaanyu vamwaarɨ aha weerwii vookʉsaakɨra.”and a crowd was sitting around Him. “Look,” He was told, “Your mother and brothers are outside, asking for You.”

33Maa Yéesu akavasea, “Íyo wiitʉ na vaaniitʉ noo vala ani?”But Jesus replied, “Who are My mother and My brothers?”

34Akavalaanga vaantʉ ˆveene vajáa viíkyɨɨre vakamʉrɨɨngɨrɨra, maa akavasea, “Laangi! Ava ˆvarɨ aha noo vala íyo na vaaniitʉ.Looking at those seated in a circle around Him, He said, “Here are My mother and My brothers!

35Mʉʉntʉ yoyoosi ˆatʉ́mamaa kʉsaaka kwa Mʉlʉʉngʉ noo mwaaniitʉ, irʉʉmbʉ raanɨ na íyo wiitʉ.”For whoever does the will of God is My brother and sister and mother.”

Mark 3

You’ve read Mark 3

Go deeper

Mark 3

You’ve read Mark 3

Go deeper