Luke 5 (LGA) · Opened

1Ego kai rane totonai sa korapa turuona pa poanana pa nole pa ovuku Qenesareti si Jisu, sa qai vaijujuku upupele lao tana sira na minete tinoni, ko mai nonongorodia pa paranga tana Tamasa qarigu.On one occasion, while Jesus was standing by the Lake of Gennesaret with the crowd pressing in on Him to hear the word of God,

2Ko sa doro vairia isa tonai sa karu koaka qai korapa titidia pa keketai ovuku. Goto ira na tinoni abu poredia koaka sa qai korapa valiosoria na dia vaqara.He saw two boats at the edge of the lake. The fishermen had left them and were washing their nets.

3Ko sa lao koia isa sa kame, isa na koaka tai Saimone, beto sa sa garunia si Saimone ko mi iolo sae iqona pa kolona saunia. Ko sa toqo ketakoi si Jisu beto sa sa kole vaivagigalai paro tadira na minete tinoni.Jesus got into the boat belonging to Simon and asked him to put out a little from shore. And sitting down, He taught the people from the boat.

4Ego tonai sa beto parangaria na minete tinoni sa pira saunia i Saimone, <<Mu vaiolo jola saea pa lilisina sa na koaka, beto sa mu gonania ketakoi sa na miu vaqara,>> saunia.When Jesus had finished speaking, He said to Simon, “Put out into deep water and let down your nets for a catch.”

5Poni sa paranga si Saimone, pira sau, <<Qokolo! Qe tei pavu talea tu na bongi doruna sagei, ba kepotu kai tea sa be tekuamei! Ba qu paranga ao, ko jongana ara ma lao tu ropi vagorea sa na vaqara,>> sau.“Master,” Simon replied, “we have worked hard all night without catching anything. But because You say so, I will let down the nets.”

6Ko totonai qai ipa gorenia na vaqara sa sa vaivagabara sa na igana qai gona, ko na vaqara ba iapeki bi taraqama tu.When they had done so, they caught such a large number of fish that their nets began to tear.

7Ko qai sipu laoria sira na tavitidi pa kai goto koaka ko mai lame tokaniria qarigu. Ko qai mekarai vapugeleniria na igana ira sa karu koaka ira, ko iapeki bai dururu tu.So they signaled to their partners in the other boat to come and help them, and they came and filled both boats so full that they began to sink.

8Ego totonai sa batia i Saimone Pita sa na roiti sa podo vei pira, sa sa lao toqo sori tutungu sisa pa moena i Jisu, beto pira sau, <<Mu taloa taqu Bangara, ura na tinoni sela sara!>> sau.When Simon Peter saw this, he fell at Jesus’ knees. “Go away from me, Lord,” he said, “for I am a sinful man.”

9Ura sa gabara vivitiginia i Pita beto ira doru qai tutia isa sa na koi vei motadi na igana qai tekuria.For he and his companions were astonished at the catch of fish they had taken,

10Ko ira na tino abu tavitina i Pita, ira Jekopi i Jone (karu tuna marene i Zebeti) ba qai gabara tugu. Poni sa pira saunia i Jisu si Saimone, <<Muke matagutu! Podalai kopira sa muna abu tinoni sao,>> saunia.and so were his partners James and John, the sons of Zebedee. “Do not be afraid,” Jesus said to Simon. “From now on you will catch men.”

11Ko pa liguna qai juju vaparoria sa na dia koaka, sa qai loa vakole beto paleria sira doru dia sakasava ko qai tutiadia ira si Jisu.And when they had brought their boats ashore, they left everything and followed Him.

12Ego kai totoso tonai sa korapa suvere pa kai gugusu si Jisu, sa api kai tinoni sa udea na popoqu. Ko totonai sa batia isa si Jisu, sa sa gona opo goreni pa peso na isumatana, ko sa tepa vivitigi, pira sau, <<Bangara, vei muna malumu ao, sa muna boka taloso valiososiu gu sara!>> saunia.While Jesus was in one of the towns, a man came along who was covered with leprosy. When he saw Jesus, he fell facedown and begged Him, “Lord, if You are willing, You can make me clean.”

13Poni sa kaqamania na limana ko sa ulia i Jisu sisa, beto pira sau, <<Qa malumu gu sara, ko mu lioso tu ao,>> saunia. Ko pa totoso tugu isa sa tataloso valioso tana sa popoqu.Jesus reached out His hand and touched the man. “I am willing,” He said. “Be clean!” And immediately the leprosy left him.

14Beto sa sa paranga vabalaua i Jisu sisa, <<Munake lao vavavakatonia tadira tinoni sapi, goto mu rerege tuvisi lao gu tana iama ko mi doro vivilotigo. Pa liguna isa sa muna lao roitinia na vavakukuvu vuvulasa isa vei sa vaigarununia i Mosese, ko mai vasosotoa ira na tinoni sa qu tei tavalioso tu sao marigu,>> saunia sisa.“Do not tell anyone,” Jesus instructed him. “But go, show yourself to the priest and present the offering Moses prescribed for your cleansing, as a testimony to them.”

15Beto tonai sa sake mako gore na lekogona sa na nongorona i Jisu, ko ira na minete tinoni sa qai vavaikamu lao tana ko mai nonongorodia beto mai tasalanadia pa okoto dia vagauru qarigu.But the news about Jesus spread all the more, and great crowds came to hear Him and to be healed of their sicknesses.

16Ba sa tuturu rijo riuona pa qega si Jisu ko sa kokole vavaraona.Yet He frequently withdrew to the wilderness to pray.

17Ego kai rane totonai sa korapa vaivagigalai si Jisu, sa na suveredi tugu ketakoi sira kaki Parese beto ira qai vaivagigalainia na Vavanau, na lame veidi pa okoto gugusu pa Qalili, pa Jiudia, beto pa Jerusalema. Ko na neqi tana Bangara sa tei koleona tu tai Jisu ko mina boka vaisalana.One day Jesus was teaching, and the Pharisees and teachers of the law were sitting there. People had come from Jerusalem and from every village of Galilee and Judea, and the power of the Lord was present for Him to heal the sick.

18Ego ko api qai pala kamunia ira kaki tinoni pa nona lovu sa kai tinoni sa mate kale tinina, ko qai popodeke ko mai pogoso tomenia pa leo ruma, ko mai vakolea pa moena i Jisu qarigu.Just then some men came carrying a paralyzed man on a mat. They tried to bring him inside to set him before Jesus,

19Ba qaike boka batia ira sa na soana vei beto mai pala tomenia, ura qai pugele sira na tinoni. Ko qai poso kesa saenia pa nare ruma ko qai kakelia sa na arena na ruma, beto qai vasikulu gorea pa vaikamu tinoni pa moena i Jisu sa na tinoni isa tonai sa korapa koleona tugu pa lovu.but they could not find a way through the crowd. So they went up on the roof and lowered him on his mat through the tiles into the middle of the crowd, right in front of Jesus.

20Ko totonai sa batia i Jisu sa na dia rarange, sa sa parangia isa sa na tinoni sa mo, <<Qua tinoni, qai tei taleoso tu sira na mua sela,>> saunia.When Jesus saw their faith, He said, “Friend, your sins are forgiven.”

21Poni qai podalai vaipera paranga mekadi sira qai vaivagigalainia na Vavanau beto ira na Parese, <<Ai tinoni veveina sapi! Sa korapa vamoroania na Tamasa sa na tinoni api! Kepore sa kai tinoni mina boka taleosonia na sela, goto mekana gu na Tamasa!>> qarigu.But the scribes and Pharisees began thinking to themselves, “Who is this man who speaks blasphemy? Who can forgive sins but God alone?”

22Ba sa tei livutia tu i Jisu sisa vei qai kole vaiperani paranga ira, ko pira sauniria, <<Na sa sa qu kole vaiperania pa bulomiu agou?Knowing what they were thinking, Jesus replied, “Why are you thinking these things in your hearts?

23Ai sa sa munyala na pojana? <Qai tei taleoso tu sira na mua sela!> biu, ba <Mu tatakole ko mu rerege!> biu?Which is easier: to say, ‘Your sins are forgiven,’ or to say, ‘Get up and walk’?

24Ba ma vadogoronigou ara sa na Tuna na Tinoni sa poreona neqi pa peso ko mina taleosoniria na sela,>> sau. Beto sa pira saunia sa na tinoni sa mate kai kale tinina, <<Qa parangigo ara sao, mu turu, mu pogosia na mua lovu, ko mu mule laomua pa mua ruma!>> saunia.But so that you may know that the Son of Man has authority on the earth to forgive sins…” He said to the paralytic, “I tell you, get up, pick up your mat, and go home.”

25Poni pa totoso tugu isa sa gasa turu pa moedi ira doru tinoni sa na tinoni api, sa posia nona lovu isa sa kolea, ko sa mule riuona pa nona ruma, beto sa vatarasaea isa sa na Tamasa.And immediately the man stood up before them, took what he had been lying on, and went home glorifying God.

26Ko qai gabara beto sira doru tinoni totonai qai batia sa vei inara. Qai vatarasaea ira sa na Tamasa, beto qai matagutu tugu vei ko qai vavaiparanga, <<Koi, na sakasava vaivagabaradi sa taqe batiria gita pa ngeni!>> qarigu.Everyone was taken with amazement and glorified God. They were filled with awe and said, “We have seen remarkable things today.”

27Ego liguna isa sa sa taloa ketakoi si Jisu, ko sa lao dogoria sa kai tinoni teteku takisi na isongona i Livai, sa korapa toqona pa ruma teteku takisi. Ko sa parangia i Jisu sisa, <<Lame tutisiu,>> saunia.After this, Jesus went out and saw a tax collector named Levi sitting at the tax booth. “Follow Me,” He told him,

28Poni sa turu loa paleria tugu i Livai sa doru ona sakasava, ko sa lao tutia si Jisu.and Levi got up, left everything, and followed Him.

29Beto sa sa roitinia i Livai pa nona ruma sa kai vavolo lavata ko sa teteku tavitia si Jisu. Ko na motadi sira na tinoni teteku takisi tavitina beto ira kaki tinoni mule qai tasoru ko qai somana teteku.Then Levi hosted a great banquet for Jesus at his house. A large crowd of tax collectors was there, along with others who were eating with them.

30Ba ira na Parese beto ira na dia tinoni qai vaivagigalainia na Vavanau sa qai ququminiria sira na sepele ti Jisu, ko pira qarigu sira, <<Ai sa vei ko qu teteku tavitiria tu ira na tinoni teteku takisi beto na tinoni seladi sagou?>> qarigu.But the Pharisees and their scribes complained to Jesus’ disciples, “Why do you eat and drink with tax collectors and sinners?”

31Poni sa oeria i Jisu sira, pira sauniria, <<Ira na tinoni toa vajongadi sa qaike nyaqoa sa na tinoni sa vavaisalana, goto ira gu qai mo.Jesus answered, “It is not the healthy who need a doctor, but the sick.

32Qake lame sara ko ma kukuria na tinoni tuvisidi qau, goto ira tu na tinoni seladi ko mai gabala qau!>> sau si Jisu.I have not come to call the righteous, but sinners, to repentance.”

33Beto sa qai nanasia ira na Parese beto ira na dia tinoni qai vaivagigalainia na Vavanau si Jisu, pira qarigunia, <<Ai sa vei ko ira na sepele tai Jone beto ko ira na sepele tadira na Parese sa qai tatabu gagani beto qai vavara soku totoso, goto ira na sepele tamu sa qai kole gu teteku beto buku laodia gu?>> qarigunia.Then they said to Him, “John’s disciples and those of the Pharisees frequently fast and pray, but Yours keep on eating and drinking.”

34Poni sa pira sauniria i Jisu, <<Ai vei, muna boka vatatabu gaganiniria tu sira na tinoni tasorudi mai somanania na vavolo vaialava totonai sa korapa suvere tavitiriaona na tinoni vaialava? Dai!Jesus replied, “Can you make the guests of the bridegroom fast while He is with them?

35Ba qai korapa lame sira na rane tonai mina tateku varijo tadira sa na tinoni sa vaialava. Ko pa totoso tu isa sa mai tatabu gagani sira,>> sau sisa.But the time will come when the bridegroom will be taken from them; then they will fast.”

36Beto sa pojaniria mutugu i Jisu sa na vinakabere api, <<Kepore sa kai tinoni mina boka rikata tekua kai rikata poko koregana, ko mina piti valaonia pa kai poko leluna. Mina roiti vei sa kode mina tarikata sa na poko koregana, beto ko na poko leluna sa minake lao totoa sa na poko tutuvaka koregana.He also told them a parable: “No one tears a piece of cloth from a new garment and sews it on an old one. If he does, he will tear the new garment as well, and the patch from the new will not match the old.

37Beto kepore mutugu sa kai tinoni mina toto laonia na vaini koregana sa na tototona vaini leluna. Ura mina taroiti vei sa kode mina tapokataona sa na tototoni vaini leluna ko mina tavuva vikereona sa na vaini, beto ko na tototoni vaini ba mina taaru vikere tugu.And no one pours new wine into old wineskins. If he does, the new wine will burst the skins, the wine will spill, and the wineskins will be ruined.

38Goto na vaini korega sa mina tatoto valao tugu pa tototona koregana.Instead, new wine is poured into new wineskins.

39Ko kepore sa kai tinoni sa bubuku vaini leluna bi nyogua bukua sa na vaini koregana. Ura sa paranga sa na tinoni isa, <Na vaini leluna tu sa sa giropo!> sau,>> sau si Jisu.And no one after drinking old wine wants new, for he says, ‘The old is better.’”

Luke 5

You’ve read Luke 5

Go deeper

Luke 5

You’ve read Luke 5

Go deeper