Mark 3 (LGA) · Opened

1Ego tonai sa lao mule pa ruma vavaikamuna si Jisu, sa sa korapa ketakoi sa kai tinoni sa raiqo kai kale limana.Once again Jesus entered the synagogue, and a man with a withered hand was there.

2Ko ira kaki tinoni qai kole dodoro kopunia si Jisu ko vei mina salania na rane Minere sa na tinoni alepi poni sa mai jutunia sa sela sisa marigunia qarigu.In order to accuse Jesus, they were watching to see if He would heal on the Sabbath.

3Sa paranga laoa i Jisu sa na tinoni sa raiqo na limana, pira saunia, <<Mei, mu turu sale pa momoe,>> sau sisa.Then Jesus said to the man with the withered hand, “Stand up among us.”

4Beto sa nanasa laoria i Jisu sira na tinoni, pira sauniria, <<Na sa sa tavamalumu pana Vavanau ko mina boka taroiti pa rane Minere? Na roiti vajonga, ba na roiti vivikere? Na aloa na toa tana tinoni, ba na vamatea?>> sauniria. Ba qaike vagala.And He asked them, “Which is lawful on the Sabbath: to do good or to do evil, to save life or to destroy it?” But they were silent.

5Ego ko sa doro vailivutainiria tagigigiriniria i Jisu sira beto sa takulanga tugu vei ura sa patu na bulodi. Beto sa paranga laoa sa na tinoni api, pira saunia, <<Mu radonia na limamu,>> saunia. Ko sa varadonia sau poni sa jonga ligu sa na limana.Jesus looked around at them with anger and sorrow at their hardness of heart. Then He said to the man, “Stretch out your hand.” So he stretched it out, and it was restored.

6Isa tugu qai taloa pa ruma vavaikamuna sira na Parese, sa qai sisiqarai lao kamuria sira qai sosoria i Herodi ko qai mekarai vaingodo roroqu ko mai vamatea si Jisu qarigu.At this, the Pharisees went out and began plotting with the Herodians how they might kill Jesus.

7Ego ko i Jisu beto ira na ona sepele sa qai taloa riu veidia pa ovuku pa Qalili, ko kai minete tinoni lavata sa qai tuti koko vei pa Qalili, pa Jiudia,So Jesus withdrew with His disciples to the sea, accompanied by a large crowd from Galilee, Judea,

8pa Jerusalema, pa Idumea, pa kai karovona pa Jodani, beto pa vailivutaidi pa Turosi beto pa Sidoni. Ira doru aipira sa qai nongoroniria sira doru roiti sa roitiniria isa, ko qai vaikamu lame tana.Jerusalem, Idumea, the region beyond the Jordan, and the vicinity of Tyre and Sidon. The large crowd came to Him when they heard what great things He was doing.

9Ko totonai sa pojaniria i Jisu sira na ona sepele ko mai vatana vakole vania sa kai koaka sau ura qai soku jola sira na tinoni ko kita mai jupe vaiamunia ira.Jesus asked His disciples to have a boat ready for Him so that the crowd would not crush Him.

10Ura soku jola sira na tinoni sa salanaria isa ko ira na tinoni vagaurudi sa qai jujuku laoa sisa ko vei ko mai ulia sisa qarigu.For He had healed so many that all who had diseases were pressing forward to touch Him.

11Ira na tinoni sa koleria na gagala ikeredi ba tonai qai batia i Jisu poni sa qai vukele kole pa moena isa beto qai vevela votu, pira qarigu, <<Ao sa na Tuna na Tamasa!>> qarigu.And when the unclean spirits saw Him, they fell down before Him and cried out, “You are the Son of God!”

12Ba sa paranga suquturia i Jisu sira na gagala ikikeredi ko maike pojai ira sa na veveina isa sau.But He warned them sternly not to make Him known.

13Ego sa sagere sae pa kai kubo si Jisu beto sa kuku vaikamuniria sira sa nyoroguaniria ko mai tutia, ko qai vaikamu lao tana sira.Then Jesus went up on the mountain and called for those He wanted, and they came to Him.

14Ko sa vileria i Jisu sira ka manogarua beto sa gigalaniria na tinoni tagarunudi sira, ko mai suvere tavitia isa beto ko mina garunu riuniria ko mai tarae sau.He appointed twelve of them, whom He designated as apostles, to accompany Him, to be sent out to preach,

15Beto sa vaniria na neqi ko mai ijiju pale tomate ikikeredi sau.and to have authority to drive out demons.

16Ko aipira sa na isongodi ira ka manogarua sa vileria i Jisu: i Saimone (isa sa vakukunia i Pita),These are the twelve He appointed: Simon (whom He named Peter),

17i Jekopi beto i Jone karu tuna i Zebeti (ira sa gigalaniria Boneage, na ginuana sa na tuna na paka oka),James son of Zebedee and his brother John (whom He named Boanerges, meaning “Sons of Thunder”),

18i Aduru, i Pilipi, i Batolomiu, i Matiu, i Tomasi, i Jekopi na tuna i Alepiasi, i Tadaeasi, i Saimone isa perangana sa somanana talea na qavuna Romu,Andrew, Philip, Bartholomew, Matthew, Thomas, James son of Alphaeus, Thaddaeus, Simon the Zealot,

19beto ko i Jiudasi Isikarioti isa na tinoni sa gabala kanai i Jisu.and Judas Iscariot, who betrayed Jesus.

20Ego tonai sa kamu pa ruma si Jisu sa qai kamu vaitakoi tugu sira na minete tinoni ko i Jisu beto ira nona sepele sa qaike boka teku totoso ko bai tetekudia.Then Jesus went home, and once again a crowd gathered, so that He and His disciples could not even eat.

21Totonai sa qai lame sira na turana ko mai ragata toni variua si Jisu qarigu, ura qai nongoronia sa sa tei tuturu tu sa na tinoni ina qarigu sira kaki.When His family heard about this, they went out to take custody of Him, saying, “He is out of His mind.”

22Beto ira qai vaivagigalainia na Vavanau na lagere veidi pa Jerusalema sa qai kole popojai, pira qarigu, <<Sa kolea i Beelizebulu beto pa neqi tana na bangaradi ira na tomate sa sa boka ijiju paleria na tomate sa na tinoni api,>> qarigu.And the scribes who had come down from Jerusalem were saying, “He is possessed by Beelzebul,” and, “By the prince of the demons He drives out demons.”

23Poni sa kuku tekuria i Jisu sira qai vaivagigalainia na Vavanau ko sa vavakato vaniria na vavakato vavapada, pira sau, <<Ai vei i Setani mina boka iju variua tu si Setani mekana?So Jesus called them together and began to speak to them in parables: “How can Satan drive out Satan?

24Na binangara sa vaipipikatai mulenia mekana sa kode minake boka turu vaneqi.If a kingdom is divided against itself, it cannot stand.

25Beto na tatamana sa vaipipikatai mulenia mekana sa kode mina tajejegara.If a house is divided against itself, it cannot stand.

26Ko vei i Setani mina kana mulenia mekana beto mina vaipipikatai mekana, sa minake turu vamauru sisa goto kode mina manyao gu sisa.And if Satan is divided and rises against himself, he cannot stand; his end has come.

27Beto ko kepore sa kai tinoni mina boka soqolo tome lao pa leo ruma tana tinoni neqina ko mina iko tekuria sa na sakasava tana vei bi oqoro piu vakole momoea mai tu sa na tinoni neqina api. Momoe sa mina piu vakolea mai tu isa sa na tinoni neqina api, beto sa mina boka iko vapuputia isa sa na sakasava pa ruma tana.Indeed, no one can enter a strong man’s house to steal his possessions unless he first ties up the strong man. Then he can plunder his house.

28Ma poja sosotonigou ara sagou: kode mai boka taleoso gu sa doru sela bai roitiniria ira na tinoni beto doru vamoroanana na Tamasa qai poja votuniria.Truly I tell you, the sons of men will be forgiven all sins and blasphemies, as many as they utter.

29Ba na tinoni sa vamoroania na Gagala Tabuna sa minake taleoso kamua na kamua, ura isa sa tei roitinia tu sa na sela kole jolana,>> sau si Jisu.But whoever blasphemes against the Holy Spirit will never be forgiven; he is guilty of eternal sin.”

30Inara sa vaivagigalai vei si Jisu ura kaki tinoni sa pira qai kole paparanga vei, <<Sa kolea na gagala ikikerena sa na tinoni api,>> qarigu.Jesus made this statement because they were saying, “He has an unclean spirit.”

31Ego na tinana beto ira na tasina marene i Jisu sa qai kamu. Ko qai turu pa sesebe ruma isa beto qai garunu tomenia sa na nongoro ko mi votu lame si Jisu qarigu.Then Jesus’ mother and brothers came and stood outside. They sent someone in to summon Him,

32Na vaikamu tinoni sa qai korapa toqo vavailivutainia si Jisu ko ira kaki sa qai paranga laoa sisa, pira qarigunia, <<Qokolo, na tinamu beto ira na tasimu marene sa pa peguru ko qai korapa nyaqogo sao,>> qarigunia si Jisu.and a crowd was sitting around Him. “Look,” He was told, “Your mother and brothers are outside, asking for You.”

33Poni sa oe laoria i Jisu sira, pira sau, <<I sei sa na tinaqu beto ko ira sei sira na tasiqu marene ara?>> sauniria.But Jesus replied, “Who are My mother and My brothers?”

34Beto sa doro vailivutainiria sira qai toqo pa vavailivutaina beto pira sauniria, <<Doro! Aipira tugu sira na tinaqu beto na tasiqu marene ara.Looking at those seated in a circle around Him, He said, “Here are My mother and My brothers!

35Na tinoni sa roitinia isa vei sa nyoroguania na Tamasa sa isa tugu sa na tasiqu marene, na luluqu rereko, beto na tinaqu ara,>> sau sisa.For whoever does the will of God is My brother and sister and mother.”

Mark 3

You’ve read Mark 3

Go deeper

Mark 3

You’ve read Mark 3

Go deeper