Matthew 14 (LGA)

1Pana totoso ira sa sa nongoronia i Herodi, na bangara pa ia pa Qalili, sa na vavakatona i Jisu.At that time Herod the tetrarch heard the reports about Jesus

2Ko sa pojaniria sira na ona iviva lalavata, pira sauniria, <<I Jone Paputaiso sosoto gu sapi! Sa toa mule pa mate! Ko sa vei sa sa isongia isa sa na neqi ko sa soni boka roitiniria isa sira na roiti vaivagabaradi,>> sau.and said to his servants, “This is John the Baptist; he has risen from the dead! That is why miraculous powers are at work in him.”

3Pira sa roroqu vei sisa ura perangana tu qi tei garunuria tu i Herodi sira nona tinoni ko qai piua si Jone Paputaiso ko qai vatomea pa ruma vaipiu. Qi tapiu sisa pa ginuguana gu i Herodiasi na maqotana i Pilipi na tasina.Now Herod had arrested John and bound him and put him in prison on account of Herodias, his brother Philip’s wife,

4Ura kaki totoso qai lao pori sa qi vapoja sosotonia i Jone Paputaiso si Herodi, pira qiunia, <<Sake tavamalumu pa Vavanau sa qu vei ao qu alavia i Herodiasi, ura na maqotana tu na tasimu sisa,>> qiunia.because John had been telling him, “It is not lawful for you to have her.”

5Ko pa ginuana isa sa i Herodi qi nyogua vamatea si Jone, ba qi matagutuniria ira na tinoni Jiu ura ira na tinoni Jiu qai vasosotoa sa kai tinoni kokorotai tugu si Jone qarigu.Although Herod wanted to kill John, he was afraid of the people, because they regarded John as a prophet.

6Ego ba totonai qi kamu sa na rane podo ti Herodi, sa na tuna rereko i Herodiasi qi lao kole pepeka pa moedi ira na tinoni qai tasoru valame pa vaikamu. Ko qi qera vivitiginia i Herodi sa na pepekana isa,On Herod’s birthday, however, the daughter of Herodias danced before them and pleased Herod

7ko qi ule votu tarinia na maulu isa sa doru sakasava mina tepai isa sa mina vania gu qiunia sa na rereko api.so much that he promised with an oath to give to her whatever she asked.

8Ko pa roroqu tana tinana sa qi lao tai Herodi sa na rereko ko qi tepa vei pira, <<Mu petania pa kai peleita ko mu vanisiu kopira tugu sa na batuna i Jone Paputaiso,>> qiu.Prompted by her mother, she said, “Give me here on a platter the head of John the Baptist.”

9Qi takulanga vivitigi si Herodi tonai qi nongoria na tepa tana rereko, ba qi tei maulu vakole tu pa moedi ira na tinoni qi soruria, ko qi pojaniria gu sira na ona tinoni ko mai vania gu sisa vei qi tepai na rereko qiu.The king was grieved, but because of his oaths and his guests, he ordered that her wish be granted

10Ko qi garunuria isa sira kaki ona tinoni vaipera, ko qai lao kujukia pa ruma vaipiu si Jone Paputaiso.and sent to have John beheaded in the prison.

11Beto sa qai petania pa kai peleita sa na batuna ko qai pogoso kamu vania sa na rereko, beto sa isa qi lao vania sa na tinana.John’s head was brought in on a platter and presented to the girl, who carried it to her mother.

12Pa liguna isa sa qai lao pogosia ira nona sepele sa na kokobu tinina i Jone, ko qai riu golomia. Beto sa qai riu pojania si Jisu.Then John’s disciples came and took his body and buried it. And they went and informed Jesus.

13Ego totonai sa nongoronia i Jisu sa na veveina i Jone Paputaiso, sa sa taloaona ketakoi pa kai koaka sisa ko sa riu vakaloiona pa kai ia kaloina. Ba tonai qai nongoronia ira na minete tinoni sisa, sa qai turu loaria ira sira dia gugusu ko qai arei tutia si Jisu.When Jesus heard about John, He withdrew by boat privately to a solitary place. But the crowds found out about it and followed Him on foot from the towns.

14Totonai sa tete paro si Jisu, sa sa batia sa na puku minete tinoni lavata, ko sa roroqu vivitigiria isa sira ko sa salanaria tugu isa sira qai mo.When He stepped ashore and saw a large crowd, He had compassion on them and healed their sick.

15Totonai sa gore sa na vevelu sa qai lao sira na ona sepele ko pira qarigunia, <<Koi, na ia kaloina kepore tinonina sa lani beto ko sa tei papaka vivitigi tu sa na rane. Ai vei bu garunu variuria tu tinganai vei gugugusu sira na tinoni pira ko bai riu vaigadia gagani mekadi,>> qarigu sira.When evening came, the disciples came to Him and said, “This is a desolate place, and the hour is already late. Dismiss the crowds so they can go to the villages and buy themselves some food.”

16Poni pira sauniria i Jisu sira, <<Nake padadi mai riu sira pira, goto agou mekamiu sa mu ianiria kaki tetekuna,>> sau.“They do not need to go away,” Jesus replied. “You give them something to eat.”

17Poni sa qai paranga sira na ona sepele, <<Isa tugu ka lima batu bereti ikete gu beto karu igana gu sa aipira,>> qarigu.“We have here only five loaves of bread and two fish,” they answered.

18<<Ego mu pogoso lameniria lani,>> sau si Jisu.“Bring them here to Me,” Jesus said.

19Beto sa pojaniria isa sira doru na tinoni ko qai toqo beto pa buburu, beto sa sa tekuria sa ka lima bereti beto karu igana, ko sa enga sae pa noka beto sa paranga jongananiria. Beto sa kikiparia sa na bereti ko sa vaniria sira na ona sepele, ko ira na sepele qai iaria sira na tinoni.And He directed the crowds to sit down on the grass. Taking the five loaves and the two fish and looking up to heaven, He spoke a blessing. Then He broke the loaves and gave them to the disciples, and the disciples gave them to the people.

20Ko qai teteku ko qai pote beto sira doru tinoni. Beto sa qai tekuria ira na sepele sa ka manogarua totopa ko qai vapugele nyonyoaniria na kikipa gagani kole joladi.They all ate and were satisfied, and the disciples picked up twelve basketfuls of broken pieces that were left over.

21Na anyedi ira na marene qai teteku sira ka lima tina, goto ira na rereko beto ira na koburu sa qaike taanye.About five thousand men were fed, besides women and children.

22Ego pa liguna tugu isa, sa sa pojaniria i Jisu sira na ona sepele ko mai koi pa koaka ko mai karovo lao momoe pa kai kale karovona na ovuku, goto isa mi suvere ko mina garunu vamuleria mai na tinoni pa okotodia gugugusu sauniria.Immediately Jesus made the disciples get into the boat and go on ahead of Him to the other side, while He dismissed the crowds.

23Pa liguna sa variu betoria na tinoni, sa sa sagere sae pa kai kubo mekana sisa ko sa vavara. Ko totonai sa gore na vevelu, sa sa kole tugu suvereona mekana ketakoi sisa.After He had dismissed them, He went up on the mountain by Himself to pray. When evening came, He was there alone,

24Ko tonai sa sa tei sou lao tu pa korapa kolo sa na koaka, ko sa vaqevulu lao lamenia na bogusu sa na koaka, ura na gava turu koimoa sa viva.but the boat was already far from land, buffeted by the waves because the wind was against it.

25Ego ko pa vaikorapaina kue koloko vuvugei ko sa lao kamu pa vonomo koloko vuvugei jonga sa sa rerege tuti lao pa vuliti kolo si Jisu.During the fourth watch of the night, Jesus went out to them, walking on the sea.

26Totonai qai batia sisa sa korapa rerege lame pa vuliti kolo, sa qai takulanga vivitigi sira, <<Koi, kai tomate sa sa lamegana api!>> qarigu, ko qai vevela gagateana.When the disciples saw Him walking on the sea, they were terrified. “It’s a ghost!” they said, and cried out in fear.

27Poni sake ruavo tugu parangaria i Jisu, pira sau, <<Mu varene! Ara gu sapi, muke matagutu!>> sau sisa.But Jesus spoke up at once: “Take courage! It is I. Do not be afraid.”

28Poni sa paranga lao si Pita, pira saunia, <<Bangara, mina vei ao sosoto tugu sina, sa mu kukusiu ko ma rerege lao tamu pa vuliti kolo,>> sau sisa.“Lord, if it is You,” Peter replied, “command me to come to You on the water.”

29<<Jongana, mu rerege lame gu,>> sau si Jisu. Poni sa taloa tugu pa koaka si Pita ko sa podalai rerege lao ti Jisu pa vuliti kolo.“Come,” said Jesus. Then Peter got down out of the boat, walked on the water, and came toward Jesus.

30Ba totonai sa vagigilai i Pita sa na giburuna na gava poni sa sa matagutu ko sa podalai dururu, poni sa uui, <<Bangara, mu alosiu!>> sau.But when he saw the strength of the wind, he was afraid and, beginning to sink, cried out, “Lord, save me!”

31Isa tugu sa paranga vei inara i Pita poni sa sa kaqama lao aru tamania i Jisu sa na limana isa beto pira saunia, <<Sa ikete jola sa na mua rarange! Ai sa vei ko qu ruarabeke sao?>> saunia.Immediately Jesus reached out His hand and took hold of Peter. “You of little faith,” He said, “why did you doubt?”

32Ko totonai qai koi beto pa koaka sira karu doru, sa sa noso betona sa na gava.And when they had climbed back into the boat, the wind died down.

33Ko ira na sepele pa koaka sa qai vatarasaea si Jisu, pira qarigu, <<Sosoto jola sa ao tugu sa na Tuna na Tamasa,>> qarigunia.Then those who were in the boat worshiped Him, saying, “Truly You are the Son of God!”

34Ego qai karovia ira sa na ovuku Qalili ko qai lao paro pa gugusu pa Qenesareti.When they had crossed over, they landed at Gennesaret.

35Ko qai doro gigalia ira na tinoni pa ia isa si Jisu, ko qai vareregia pa vailivutaina na gugusu lavata isa sa na nongorona isa, ko qai okoto toni kamuniria ti Jisu sira doru tinoni qai mo.And when the men of that place recognized Jesus, they sent word to all the surrounding region. People brought all the sick to Him

36Ko qai tepa jujukia si Jisu ko mai boka ulia gu sa na uquna nona poko qarigu. Ko ira doru tinoni momodi qai ulia na uqu poko tana, sa qai tasalana beto tugu.and begged Him just to let them touch the fringe of His cloak. And all who touched Him were healed.

Matthew 14

You’ve read Matthew 14

Go deeper

Matthew 14

You’ve read Matthew 14

Go deeper