Matthew 22 (LGA)

1Ego i Jisu sa vavakato vaniria mule kaki vavakato vavapada sira. Pira sauniria,Once again, Jesus spoke to them in parables:

2<<Na binangara pa noka sa sa vei pira. Koleona sa kai bangara sa vatanania na vavolo vaialava tana tuna marene.“The kingdom of heaven is like a king who prepared a wedding banquet for his son.

3Beto sa sa garunuria sira na ona nabulu ko mai lao kuku vakamuria sira na tinoni qai tasoru ko mai somanania na vavolo sau, ba qai daidia kamu sira na tinoni tasorudi.He sent his servants to call those he had invited to the banquet, but they refused to come.

4Poni sa kai garunuria mule sira kaki goto ona nabulu ko pira muna paranga veinira sira qai tasoru sauniria, <Vainongoro ko! Sa tei naqiti beto tu sa na vavolo taqu kopira, qai tei takubolo tu sa na bulumakau lalavatadi beto na tuni bulumakau nyonyobokodi ko qai tei talilida vatana tu, beto doru kai sa qai tei tavatana tu. Mei, lame somanania na inevanga vaialava, munaguniria,> sauniria.Again, he sent other servants and said, ‘Tell those who have been invited that I have prepared my dinner. My oxen and fattened cattle have been killed, and everything is ready. Come to the wedding banquet.’

5Ba qaike pavu vagalania ira qai tasoru sa na paranga api. Pori vei qarikeuniria tugu sira na nabulu goto qai kole gu junonia na dia roitina. Kaki qai riudia tu pa dia inuma, kaki qai riu tu nyaqodia poata,But they paid no attention and went away, one to his field, another to his business.

6goto ira doru sa qai lao tu ko qai aru tamanaria sira na nabulu tagarunudi pira ko qai komiti vivikereria beto qai vamateria.The rest seized his servants, mistreated them, and killed them.

7Poni sa tagigiri vivikereniria na bangara sira, ko sa garunuria sira na ona tinoni vaipera ko qai lao vai vamate betoria sira qai vamateria na ona nabulu, beto qai vurungu palea sa na dia gugusu.The king was enraged, and he sent his troops to destroy those murderers and burn their city.

8Beto sa sa kukuria sira kaki ona nabulu mule ko pira sauniria, <Na qua vavolo vaialava sa sa tei tana tu, ba ira na tinoni qa soruria sa nake garodi tugu ko bai lame.Then he said to his servants, ‘The wedding banquet is ready, but those I invited were not worthy.

9Ko mu lao pa soana lalavata, ko mu soruria sira doru tinoni muna batiria pa soana, ko mai kamu somanania na vavolo,> sauniria.Go therefore to the crossroads and invite to the banquet as many as you can find.’

10Ko qai riu sira na nabulu ko qai kuku vakamu betoria sira na tinoni ira vei qai batiria, na tinoni jongadi beto ira nake tinoni jongadi. Ko qai pugelia ira na tinoni sa na ruma ketakoi sa taroiti na vavolo vaialava.So the servants went out into the streets and gathered everyone they could find, both evil and good, and the wedding hall was filled with guests.

11Ego ko tonai sa tome lao sa na bangara, ko mi dogororia sira na tinoni tasorudi sau, poni sa batia sa kai tinoni sake vasaeria na poko vaialava.But when the king came in to see the guests, he spotted a man who was not dressed in wedding clothes.

12Ko sa nanasia na bangara sisa, <Baere, ai sa vei beto qu boka tome lame lani sao, ura ao sa quke vasaeria na poko vaialava?> saunia. Ba sake vagala sa na tinoni isa.‘Friend,’ he asked, ‘how did you get in here without wedding clothes?’ But the man was speechless.

13Poni sa parangaria na bangara sira na nabulu, <Mu lao ko mu piuria na limana na nenena, ko mu gona votu lao palea pa peguru rorodomo kukunina sa na tinoni api. Ketakoi mai lukana uui beto mina ngingisi tu na livodi sira na tinoni,> sau.Then the king told the servants, ‘Tie him hand and foot, and throw him into the outer darkness, where there will be weeping and gnashing of teeth.’

14Ura kubo sira qai tasoru, ba ira ka vivisa gu sa qai tavile,>> sau si Jisu.For many are called, but few are chosen.”

15Ego qai vaikamu sira na Parese ko qai vaivavavakato ko mai vagonai pa kaki dia nanasa i Jisu qarigu.Then the Pharisees went out and conspired to trap Jesus in His words.

16Qai garunu laonia ira tana sa kaki dia sepele beto ko kaki ira na tinoni qai somana sosoria i Herodi. Ko pira qarigunia, <<Tinoni vaivagigalai, qe gigilaimei agei sa qu sotomua gu sao. Qu vaivagigalainia ao pa sosoto sa na soana tana Tamasa, beto ko sake vatakulanga podekigo ao sa na sa marigu ira na tinoni, ura quke doro laoa ao sa ai qai poreveveidi vei ira na tinoni.They sent their disciples to Him along with the Herodians. “Teacher,” they said, “we know that You are honest and that You teach the way of God in accordance with the truth. You seek favor from no one, because You pay no attention to external appearance.

17Ko mu pojanigei moko na mua roroqu. Ai vei, na tavamalumuna tugu pana Vavanau sa tana tabara laonia na oda takisi tana bangara i Siza, ba dai?>> qarigu sira.So tell us what You think: Is it lawful to pay taxes to Caesar or not?”

18Ba sa tei batia tu i Jisu sa na dia roroqu ikikerena qai vatanania ira. Ko pira sauniria sira, <<Na tinoni jola vavabatamiu na sesekemiu sagou! Ai sa vei ko qu korapa nyogua podeke vagonasiu ara?But Jesus knew their evil intent and said, “You hypocrites, why are you testing Me?

19Mu vabatinisiu moko sa na poata siliva isa qu tatabarani takisi!>> sauniria. Ko tonai qai pogoso laonia tana sa kai poata siliva,Show Me the coin used for the tax.” And they brought Him a denarius.

20poni sa nanasaria, <<I sei na isumatana beto na isongona sa sa kole pa poata siliva ina?>> sauniria.“Whose image is this,” He asked, “and whose inscription?”

21Poni sa qai paranga sira, <<I bangara Siza,>> qarigu. Poni sa pira sauniria i Jisu sira, <<Ego mu valao vania i Siza sa ira tai Siza, beto mu valao vania na Tamasa sa ira tana Tamasa,>> sau sisa.“Caesar’s,” they answered. So Jesus told them, “Give to Caesar what is Caesar’s, and to God what is God’s.”

22Totonai qai nongoria sa na oe tana sa qai gabara sira ko qai loa pale ko riudia.And when they heard this, they were amazed. So they left Him and went away.

23Ego pana rane tugu isa sa qai kamu tai Jisu sira na Sadusisi, ira qaike vasosotoa na veveina tinoni mina boka turu mule pa mate, ko pira qarigunia sisa,That same day the Sadducees, who say there is no resurrection, came to Jesus and questioned Him.

24<<Tinoni vaivagigalai, na Vavanau ti Mosese sa pira sau, <Bi kai iviva marene sa bi kepore tuna beto ko bi mate, sa kode na tasina marene mina teku vakarovia sa na naboko, ko ira na koburu mai vaporeria ira karu sa mina tagigalaniria na tuna tugu na marenena momoe sa mate,> sau.“Teacher,” they said, “Moses declared that if a man dies without having children, his brother is to marry the widow and raise up offspring for him.

25Ego ko koledia sa ira ka vitu tamatasi marene. Isa pa moa sosoto ira sa sa vaialava ko sa oqoro pore na tuna beto sa mate sisa, ko sa loai sa na naboko ko sa alavia mule na tasina marene isa sa tuti tana tugana moa.Now there were seven brothers among us. The first one married and died without having children. So he left his wife to his brother.

26Ba isa na marene vinarua api ba sa vei tugu na tugana, sa oqoro pore na tuna beto sa mate. Na marene vinaue ba kai muqisi podeke tugu, ko qai beto pudala tugu sira ka vitu tamatasi.The same thing happened to the second and third brothers, down to the seventh.

27Beto sa liligu tu beto sa mate sa na rereko.And last of all, the woman died.

28Ego, ko na rane mai turu mule pa mate sira na tinoni, sa i sei ira ka vitu tamatasi pira na maqotana sa na rereko isa? Ura ira ka vitu doru sa qai alavia sisa!>> qarigu.In the resurrection, then, whose wife will she be of the seven? For all of them were married to her.”

29Ba sa oeria i Jisu sira, pira sauniria, <<Dai, qu sela sagou! Ura quke vakaberia agou sa na ginuadi na Kukuti Tabuna babi na neqi tana Tamasa.Jesus answered, “You are mistaken because you do not know the Scriptures or the power of God.

30Ura tonai mai turu mule pa mate sira na tinoni, sa kode mai suvere vei gu ira na mateana pa noka sira ko maike vaialava.In the resurrection, people will neither marry nor be given in marriage. Instead, they will be like the angels in heaven.

31Goto na veveina na turu mule pa mate sa ai vei qu oqoro tu tiro vakaberia tu agou sa isa sa pojanigou na Tamasa? Pira sau sisa,But concerning the resurrection of the dead, have you not read what God said to you:

32<Ara sa na Tamasa tai Ebarahami, na Tamasa tai Aisake, beto na Tamasa tai Jekopi,> sau sisa. Ko isa sa nake Tamasa tadira na tinoni matedi, goto tadira tu na tinoni toadi,>> sau si Jisu.‘I am the God of Abraham, the God of Isaac, and the God of Jacob’? He is not the God of the dead, but of the living.”

33Totonai qai nongoria ira na minete tinoni sa api, sa qai gabara betonia ira sa nona vaivagigalai.When the crowds heard this, they were astonished at His teaching.

34Ego totonai qai nongoria sa vapapakaria i Jisu sira na Sadusisi, poni sa qai vaikamu sira na Parese.And when the Pharisees heard that Jesus had silenced the Sadducees, they themselves gathered together.

35Ko kame ira na Parese isa sa vavaivagigalainia na Vavanau sa sa nyogua vagonai si Jisu.One of them, an expert in the law, tested Him with a question:

36Ko sa paranga <<Tinoni vaivagigalai, ai sa na garunu poreveveina jola pa Vavanau?>> sau.“Teacher, which commandment is the greatest in the Law?”

37Poni sa oea i Jisu, pira saunia, <<Mu roroqua na Bangara na mua Tamasa pa doruna bulomu, pa doruna gagalamu, beto pa doruna na roqumu.Jesus declared, “‘Love the Lord your God with all your heart and with all your soul and with all your mind.’

38Isa sa na garunu sa poreveveina jola beto sa momoe.This is the first and greatest commandment.

39Na vinarua garunu sapi gu: Mu roroqua na tavitimu kai muqisi podeke vei qu roroqu mule veinigo mekamu.And the second is like it: ‘Love your neighbor as yourself.’

40Tadira karu garunu aipira qai titi sa na doruna na Vavanau beto na vaivagigalai tadira na tinoni kokorotai,>> sau si Jisu.All the Law and the Prophets hang on these two commandments.”

41Ego tonai qai korapa tugu vaikamu ketakoi sira na Parese, sa sa nanasaria i Jisu sira,While the Pharisees were assembled, Jesus questioned them:

42<<Na sa qu roroqunia agou sa na Karisito? Na tuti lamena ti sei sisa?>> sau. Poni qai oe lao sira, Na tutina i Devita, qarigu.“What do you think about the Christ? Whose son is He?” “David’s,” they answered.

43Poni sa parangaria i Jisu sira, <<Ba ai sa vei ko sa pojania tu na Gagala Tabuna si Devita ko sa gigalania tu na Bangara i Devita sisa? Ura i Devita sa pira tu sa paranga vei,Jesus said to them, “How then does David in the Spirit call Him ‘Lord’? For he says:

44<Pira sau sa na Bangara Tamasa tana qua Bangara na Karisito: Mu toqo pa kale matuaqu, tinganai tu mana vakilasaria ira na mua kana,> sau.‘The Lord said to my Lord, “Sit at My right hand until I put Your enemies under Your feet.”’

45Ego, ko vei bi gigalania nona Bangara biunia i Devita sisa, sa ai sa vei beto mina na tuti lamena tu ti Devita sa na Karisito?>> sau si Jisu.So if David calls Him ‘Lord,’ how can He be David’s son?”

46Kepore kame ira bi boka oea si Jisu. Ko podalai pa rane isa sa qaike tuma nananasa ligua ira sisa.No one was able to answer a word, and from that day on no one dared to question Him any further.

Matthew 22

You’ve read Matthew 22

Go deeper

Matthew 22

You’ve read Matthew 22

Go deeper