Matthew 2828MatthewDeath and resurrectionLungga Bible

Lungga BibleBerean Standard Bible

1. 1LGAEgo pa liguna na rane Minere ko na vuvugei jonga rane momoe pa vuiki, sa i Mere na rereko pa gugusu Magadalene beto kai goto Mere mule sa qai lao ko mai doria na bevi qarigu.BSBBSB: After the Sabbath, at dawn on the first day of the week, Mary Magdalene and the other Mary went to see the tomb.
2. 2LGAPoni sa sa raja sa kai nunu lavata, ura kai mateana tana Bangara pa noka sa sa gore lagere beto ko sa bokili varijo palea sa na patu sa tapateinia na bevi, beto sa kesa kole toqona pa narena.BSBBSB: Suddenly there was a great earthquake, for an angel of the Lord descended from heaven, rolled away the stone, and sat on it.
3. 3LGAKo na dogorona na tinoni isa sa sa vei na malarana na kapi, beto nona poko ba qai keka keala lelei.BSBBSB: His appearance was like lightning, and his clothes were white as snow.
4. 4LGAIra na tinoni kopu ba qai matagutu vivitiginia sisa, ko qai gona kole neneqere vei na tinoni mai mate qarigu.BSBBSB: The guards trembled in fear of him and became like dead men.
5. 5LGABeto sa pira sauniria na mateana sira karu rereko, <<Muke matagutu! Qa gigilaiqua ara sa qu korapa nyaqoa agou si Jisu isa sa tavamate pa korosi.BSBBSB: But the angel said to the women, “Do not be afraid, for I know that you are looking for Jesus, who was crucified.
6. 6LGAKepore lani sisa, ura sa tei toa mule tu sisa isa mina vei sau sa tei poja vakolea tu perangana. Mei, lame ko mu doria sa ketakoi sa kole isa perangana.BSBBSB: He is not here; He has risen, just as He said! Come, see the place where He lay.
7. 7LGABeto sa muna siqarai lao pojaniria sira ka visa ona sepele, <Sa tei toa mule tu pa mate sisa, ko kopira sa tei lao momoe tu pa Qalili sisa. Ketakoi tu sa muna batinia agou!> munaguniria. Mu roroqua sisa qa koni pojanigou api,>> sau sa na mateana.BSBBSB: Then go quickly and tell His disciples, ‘He has risen from the dead and is going ahead of you into Galilee. There you will see Him.’ See, I have told you.”
8. 8LGAKo qai taloa sisiqarai pa bevi sira karu. Qai matagutudia tugu, ba qai qera vivitigi tugu, ko qai abutu riu ko qai lao pojaniria sira na ona sepele qarigu,BSBBSB: So they hurried away from the tomb in fear and great joy, and ran to tell His disciples.
9. 9LGAsa sa lame tugu gosoro qeqeraniria si Jisu, <<Jongana!>> sau. Poni qai lao tana sira karu ko qai todongo aru tamana pa karu nenena, ko qai vatarasaea sisa.BSBBSB: Suddenly Jesus met them and said, “Greetings!” They came to Him, grasped His feet, and worshiped Him.
10. 10LGABeto sa parangaria i Jisu sira karu, <<Muke matagutu! Mu lao pojaniria sira na tasiqu ko mai lao pa Qalili. Ko ketakoi tu sa kode mai batisiu ira sara,>> sau sisa.BSBBSB: “Do not be afraid,” said Jesus. “Go and tell My brothers to go to Galilee. There they will see Me.”
11. 11LGAEgo ko totonai qai korapa rerege mule riudia sira na rereko, sa kaki ira na solodia qai kopu pa bevi sa qai lao pa Jerusalema, ko qai lao vavakatoniria tadira na kuta iama sira doru ginugua qai podo aipira.BSBBSB: While the women were on their way, some of the guards went into the city and reported to the chief priests all that had happened.
12. 12LGAPoni qai vaikamu sira na kuta iama na iviva mamata ko qai vatoqoa sa kai roroqu ko qai vani vasokuniria na poata sira na solodia qai kopu pa bevi,BSBBSB: And after the chief priests had met with the elders and formed a plan, they gave the soldiers a large sum of money
13. 13LGAbeto pira qai naqu veiniria, <<Pira munagu sagou, <Qe kole puta agei na bongi sa qai kamu iko tekua ira na ona sepele sa na tinina,> munagu.BSBBSB: and instructed them: “You are to say, ‘His disciples came by night and stole Him away while we were asleep.’
14. 14LGAVei mina nongoria na qavuna sa na ginugua api, sa agei kode mene paranga valolomosia sisa ko agou muneke gosoro tapata,>> qarigu.BSBBSB: If this report reaches the governor, we will satisfy him and keep you out of trouble.”
15. 15LGAKo qai aru vakarovia ira na solodia qai kopu pa bevi sa na poata, beto qai tutia tugu sisa vei muna roiti vei qariguniria ira na kuta iama. Ko na vavakato isa sa sa tavarerege tadira na tinoni Jiu tinganai sa kamua pa rane pa ngeni api.BSBBSB: So the guards took the money and did as they were instructed. And this account has been circulated among the Jews to this very day.
16. 16LGAEgo ko qai taloa lao pa Qalili sira na ona sepele pa kubo ketakoi sa poja vakoleniria i Jisu mai vera sauniria.BSBBSB: Meanwhile, the eleven disciples went to Galilee, to the mountain Jesus had designated.
17. 17LGAKo totonai qai batia ira si Jisu sa qai vatarasaea ira sisa, ba kaki qai ruarabeke tugu.BSBBSB: When they saw Him, they worshiped Him, but some doubted.
18. 18LGABeto sa rerege tata laoria i Jisu sira, ko sa parangaria, <<Qa tei taiania tu ara sa doru neqi pa noka beto pa peso.BSBBSB: Then Jesus came to them and said, “All authority in heaven and on earth has been given to Me.
19. 19LGAKo sa vei sa mu lao ko mu vasepele vanisiu sira doru puku tinoni, muna paputaisoria pa isongona na Tamana, na Tuna, beto na Gagala Tabuna.BSBBSB: Therefore go and make disciples of all nations, baptizing them in the name of the Father and of the Son and of the Holy Spirit,
20. 20LGABeto ko muna vaivagigalainiria ko mai vataberia sira doru sakasava qa garununigou ara. Beto ko ara sa mana vavaburogou doru totoso, tinganai mina kamua na vinabetona na totoso,>> sau si Jisu.BSBBSB: and teaching them to obey all that I have commanded you. And surely I am with you always, even to the end of the age.”