Matthew 9 (LGA)

1Ego sa koi pa koaka si Jisu ko sa toka karovo lao pa nona gugusu sosoto.Jesus got into a boat, crossed over, and came to His own town.

2Ko qai pogoso kamunia pa ona kokolena sa kai tinoni sa mate kale tinina. Tonai sa batia i Jisu sa na rarange tadira, sa pira saunia isa sa na tinoni sa mate kale na tinina, <<Tuqu, mu varene! Ira na mua sela sa qai tei taleoso tu,>> saunia.Just then some men brought to Him a paralytic lying on a mat. When Jesus saw their faith, He said to the paralytic, “Take courage, son; your sins are forgiven.”

3Ego tonai sa kaki ira qai vaivagigalainia na Vavanau sa qai kole vavaiparanga golomo mekadi, <<Na tinoni api sa vamoroania na Tamasa sapi!>> qarigu.On seeing this, some of the scribes said to themselves, “This man is blaspheming!”

4Ba sa tei gigilaiona tu i Jisu sisa vei qai korapa roroqua ira, ko pira sauniria, <<Ai sa vei ko qu roroquria na sakasava ikikeredi veveidi inara pa bulomiu?But Jesus knew what they were thinking and said, “Why do you harbor evil in your hearts?

5Ai sa sa munyala: na poja vei, <Qai taleoso sira na mua sela,> biu, babi na poja vei, <Mu tatakole ko mu rerege,> biu?Which is easier: to say, ‘Your sins are forgiven,’ or to say, ‘Get up and walk’?

6Ba kopira ma vabatinigou ara sa na Tuna na Tinoni sa poreona neqi pa peso ko mina taleosoniria na sela,>> sau sisa. Beto pira saunia sa na tinoni sa mate kale tinina, <<Mu turu! Mu pogosia na mua kokolena ko mu riumua pa mua ruma,>> saunia.But so that you may know that the Son of Man has authority on earth to forgive sins...” Then He said to the paralytic, “Get up, pick up your mat, and go home.”

7Poni sa gasa turu gu sa na tinoni ko sa riuona pa ona ruma.And the man got up and went home.

8Totonai qai batia sa vei inara sira na minete tinoni poni qai matagutu beto qai vatarasaea sa na Tamasa, ura na Tamasa sa vania na tinoni sa na neqi vevei inara.When the crowds saw this, they were filled with awe and glorified God, who had given such authority to men.

9Ego sa taloa pa ia isa si Jisu ko sa korapa lalaona, sa sa batia isa sa kai tinoni teteku takisi, na isongona i Matiu, sa korapa toqona pa ona ia roroitina isa. Pira saunia i Jisu sisa, <<Mei tutisiu ara,>> saunia. Poni sa turu si Matiu ko sa tutiaona i Jisu.As Jesus went on from there, He saw a man named Matthew sitting at the tax booth. “Follow Me,” He told him, and Matthew got up and followed Him.

10Ko tonai sa korapa toqo teteku pa ruma tai Matiu si Jisu beto ko ira na ona sepele, sa na motadi sira na tinoni teteku takisi beto ira tinoni seladi qai somana toqo teteku tavitia si Jisu beto ira nona sepele.Later, as Jesus was dining at Matthew’s house, many tax collectors and sinners came and ate with Him and His disciples.

11Ko qai batiria ira na Parese sa qai vei isa, ko qai nanasaria sira na sepele ti Jisu, <<Ai sa vei sa teteku tavitiria tu ira na tinoni teteku takisi beto ira na tinoni seladi sa na tinoni vaivagigalai tamugou?>> qarigu sira.When the Pharisees saw this, they asked His disciples, “Why does your Teacher eat with tax collectors and sinners?”

12Poni sa nongoro vairia i Jisu, ko pira sauniria, <<Ira na tinoni toa vataledi sa qaike nyaqoa sa na tinoni vavaisalana, goto ira gu qai mo.On hearing this, Jesus said, “It is not the healthy who need a doctor, but the sick.

13Mu lao ko mu nyaqoa na ginuana sa na paranga sa pojai na Tamasa pa Kukuti Tabuna, pira sau, <Na vairoroqu vaitokai sa qa nyoguania ara, nake vavavakukuvudi na manugu mamade nenedi!> sau. Ura qake lame sara ko ma kukuria na tinoni tuvisidi qau, goto ira tu na tinoni seladi,>> sau si Jisu.But go and learn what this means: ‘I desire mercy, not sacrifice.’ For I have not come to call the righteous, but sinners.”

14Ego qai lao sira na sepele tai Jone, ko qai nanasia si Jisu, pira qarigunia, <<Ai sa vei ko agei gu beto ko ira na Parese sa qe tatabu gagani, goto ira na sepele tamu sa qaike tatabu gagani tu?>> qarigu.Then John’s disciples came to Jesus and asked, “Why is it that we and the Pharisees fast so often, but Your disciples do not fast?”

15Poni sa pira sauniria i Jisu sira, <<Ai vei, kode mai kole takulanga pa vavolo vaialava sira na tinoni tasorudi totonai sa korapa toqo tavitiria sa na tinoni vaialava? Dai! Ba sa korapa lalameona sa na rane tonai mina tateku varijo tadira sa na tinoni vaialava api, ko na totoso tu isa sa mai suvere tatabu gagani sira.Jesus replied, “How can the guests of the bridegroom mourn while He is with them? But the time will come when the bridegroom will be taken from them; then they will fast.

16Kepore sa kai tinoni mina tuvakania na poko koregana sa na poko leluna. Vei mina vei poni sa totonai mina vijongo sa na poko koregana api, poni sa kode mina raqama valavatia sa na poko leluna.No one sews a patch of unshrunk cloth on an old garment. For the patch will pull away from the garment, and a worse tear will result.

17Beto kepore kai tinoni mina totonia na vaini koregana sa na tototoni vaini leluna. Ura mina vei isa, poni sa kode mina tapokata sa na tototoni vaini leluna, ko mina titigi kijara riuona sa na vaini. Goto na vaini koregana sa mina tatoto lao tugu pa tototona koregana ko ira karu doru sa mai takopu vatale beto,>> sau si Jisu.Neither do men pour new wine into old wineskins. If they do, the skins will burst, the wine will spill, and the wineskins will be ruined. Instead, they pour new wine into new wineskins, and both are preserved.”

18Totonai sa korapa paranga vei inara i Jisu, sa sa kamu opo kokopo sori tutungu pa moena isa sa kai iviva mamata tadira na Jiu, ko pira sau, <<Na tuqu maqota sa koni mate gu, ba qa nyoguanigo ko bu lame vaoponia na limamu ko bi toa mule qau,>> sau sisa.While Jesus was saying these things, a synagogue leader came and knelt before Him. “My daughter has just died,” he said. “But come and place Your hand on her, and she will live.”

19Poni sa turu si Jisu beto ira na ona sepele ko qai tutia sa na tinoni isa.So Jesus got up and went with him, along with His disciples.

20Ego kai rereko isa sa varajania na mo malea ko sa kole gu variu orungu ka manogarua aoro sa sa tuti pa liguna ko sa ulia sa na uquna na poko ti Jisu.Suddenly a woman who had suffered from bleeding for twelve years came up behind Him and touched the fringe of His cloak.

21Sa kole paparanga golomo mekana, <<Vei ba ulia gu nona poko, poni ba ba tasalanaqua gu sara,>> sau.She said to herself, “If only I touch His cloak, I will be healed.”

22Ko sa balinga mule sau si Jisu poni sa batia sa na rereko, ko pira saunia, <<Mu varene, tuqu! Na mua rarange sa sa tei salanigo tu,>> sau sisa. Poni sa na totoso tugu isa sa sa tasalana gu sa na rereko isa.Jesus turned and saw her. “Take courage, daughter,” He said, “your faith has healed you.” And the woman was healed from that very hour.

23Ego totonai sa lao kamu pa ruma tana iviva mamata si Jisu, poni sa batiria isa sira na tinoni qai lukana popoelai na roroma beto qai lukana kekebo,When Jesus entered the house of the synagogue leader, He saw the flute players and the noisy crowd.

24sa pira sauniria, <<Mu taloa riumiu agou! Ura sake mate sa na rereko ikete api, goto sa korapa gu putagana!>> sau. Tonai sa paranga vei isa poni sa qai avavunia ira doru tinoni sisa.“Go away,” He told them. “The girl is not dead, but asleep.” And they laughed at Him.

25Ko tonai qai votu beto pa peguru ira doru, sa sa tome si Jisu ko sa arua na limana na rereko poni sa tatakole sa na rereko.After the crowd had been put outside, Jesus went in and took the girl by the hand, and she got up.

26Ko na nongorona na roiti api sa sa tapiara lekogia doruna na eqa isa.And the news about this spread throughout that region.

27Ego totonai sa taloa ketakoi si Jisu sa karu tinoni leleqadi sa qai tutia isa, ko qai vevela votu, pira qarigu, <<Tuna i Devita, mu roroqu tokanigei,>> qarigu.As Jesus went on from there, two blind men followed Him, crying out, “Have mercy on us, Son of David!”

28Tonai sa tome pa ruma si Jisu poni sa ira karu tinoni leleqadi ba qai lao tugu tome. Poni sa nanasaria i Jisu, <<Ai vei, qu vasosotoa tugu agou karu sa ara boka salanagou agou karu?>> sauniria. Poni sa pira qarigunia, <<E, Bangara!>> qarigu.After Jesus had entered the house, the blind men came to Him. “Do you believe that I am able to do this?” He asked. “Yes, Lord,” they answered.

29Poni sa uliria i Jisu sa na matadi beto pira sau, <<Isa vei qu vasosotoa agou karu sa mi gore votu vanigou!>> sauniria.Then He touched their eyes and said, “According to your faith will it be done to you.”

30Poni sa qai babatadia tugu sa na matadi ira karu. Beto sa paranga vabalauria i Jisu sira karu, pira sauniria, <<Kita ule vaniria ira na tinoni sa na roiti api,>> sauniria.And their eyes were opened. Jesus warned them sternly, “See that no one finds out about this!”

31Ba qai taloa riu sira karu, ko qai vavavakatonia doru eqa ketakoi sa na veveina isa.But they went out and spread the news about Him throughout the land.

32Ego pa ligudi gu qai riu ira karu aipira, sa qai toni kamunia tana ira kaki tinoni sa kai tinoni sa tomea na tomate ikikerena ko sa poka.As they were leaving, a demon-possessed man who was mute was brought to Jesus.

33Tonai sa iju palea i Jisu sa na tomate ikerena api poni sa sa podalai paranga gu sa na tinoni isa. Ko qai gabara beto sira na minete tinoni, ko pira qarigu, <<Sa oqoro pore tabata pa Izireli sa na sakasava vevei pira,>> qarigu sira.And when the demon had been driven out, the man began to speak. The crowds were amazed and said, “Nothing like this has ever been seen in Israel!”

34Ba qai paranga sira na Parese, <<Na bangaradi gu ira na tomate ikikeredi sa vania na neqi sa sa boka iju paleria ira na tomate ikikeredi sina,>> qarigu sira.But the Pharisees said, “It is by the prince of demons that He drives out demons.”

35Ego sa lekogo betoria i Jisu sira na gusu lalavatadi na gusu ikiketedi. Ko sa vavaivagigalai sisa pa ruma vavaikamuna, sa taraenia isa sa na nongoro jongana na veveina na binangara tana Tamasa, beto sa salanaria isa sira na tinoni qai varajaniria na okokoto mo na vagauru.Jesus went through all the towns and villages, teaching in their synagogues, preaching the gospel of the kingdom, and healing every disease and sickness.

36Totonai sa doro laoria isa sira na minete tinoni, sa sa roroqu vivitigiria, ura qai vevei rerege beto qai nyunyala vei na sipi kepore na dia sepati.When He saw the crowds, He was moved with compassion for them, because they were harassed and helpless, like sheep without a shepherd.

37Poni pira sauniria ira na ona sepele, <<Qai matua nyanyalu sira na vuvua, ba ira na tinoni ababu sa qai vivisa gu.Then He said to His disciples, “The harvest is plentiful, but the workers are few.

38Ko mu vavara lao tana Bangaradi na umuma, ko mi garunuria na tinoni roiti ko mai ababu pa ona inuma,>> sau si Jisu.Ask the Lord of the harvest, therefore, to send out workers into His harvest.”

Matthew 9

You’ve read Matthew 9

Go deeper

Matthew 9

You’ve read Matthew 9

Go deeper