Micah 66MicahGod's case and his mercyKituba Bible

Kituba BibleBerean Standard Bible

1. 1MKWBeno kuwa mambu yina Yave ke na kutuba: «Telama, funda munu na mantwala ya myongo, mpe bika ti myongo ya fyoti kuwa nge.BSBBSB: Hear now what the LORD says: “Arise, plead your case before the mountains, and let the hills hear your voice.
2. 2MKWMyongo, beno kuwa mutindu Yave ke na kufunda. Balufulu ya ngolo ya ntoto, beno kuwa! Yave ke na kufunda bantu ya yandi, yandi ke na mambu na bantu ya Isayeli.»BSBBSB: Hear, O mountains, the LORD’s indictment, you enduring foundations of the earth. For the LORD has a case against His people, and He will argue it against Israel:
3. 3MKW«Beno bantu ya munu, yinki mu me sala beno? Na wapi mambu mu me lembisa beno? Beno pesa munu mvutu!BSBBSB: ‘My people, what have I done to you? Testify against Me how I have wearied you!
4. 4MKWMu basisaka beno na yinsi ya Ngipiti, mu kuulaka beno na bundongo. Mu fidisaka na mantwala ya beno Moyize, Aloni mpe Miliyame.BSBBSB: For I brought you up from the land of Egypt and redeemed you from the house of slavery. I sent Moses before you, as well as Aaron and Miriam.
5. 5MKWBeno bantu ya munu, beno bambuka moyo na mambu ya yimbi yina Balake, ntinu ya Mowabe, zolaka sala beno mpe mambu yina Balame, mwana ya Bewole, zabisaka yandi. Katuka na Sitime tii na Ngilengale, beno talaka nyonso yina mu salaka samu na ludedomo ya munu Yave.»BSBBSB: My people, remember what Balak king of Moab counseled and what Balaam son of Beor answered. Remember your journey from Shittim to Gilgal, so that you may acknowledge the righteousness of the LORD.’”
6. 6MKW«Yinki mu ke nata na ntwala ya Yave? Yinki mu ke nata samu na kwenda fukama na ntadisi ya Nzambi ya mazulu? Mu ke kwenda pesa yandi minkayulu ya kuyoka ya bana ya bangombe ya mvula mosi?BSBBSB: With what shall I come before the LORD when I bow before the God on high? Should I come to Him with burnt offerings, with year-old calves?
7. 7MKWYave ke ndima ti mu natina yandi mafunda ya mameme ya bakala? Mu natina yandi mafunda ya mizumba ya mafuta? Mu pesa yandi mwana ya munu ya ntete ya bakala mutindu munkayulu samu na yimbi ya munu? Mu pesa yandi mwana ya munu samu na masumu ya munu mosi?»BSBBSB: Would the LORD be pleased with thousands of rams, with ten thousand rivers of oil? Shall I present my firstborn for my transgression, the fruit of my body for the sin of my soul?
8. 8MKWNge muntu, ba me zabisa nge mambu yina kele mbote. Mambu yina Yave ke na kulomba na nge ni yayi: «Sadila mambu ya kusungama, vwanda na luzolo ya kukwikama. Tambula na Nzambi ya nge na kukuluka nyonso.»BSBBSB: He has shown you, O man, what is good. And what does the LORD require of you but to act justly, to love mercy, and to walk humbly with your God?
9. 9MKWYave ke na kuzonza na bantu ya mbanza, mpe yandi ke vuukisa bayina ke zitisa nkumbu ya yandi. Yandi ke na kutuba: «Beno kuwa, beno bantu ya kifumba ya Yuda, beno nyonso bayina me yonzama na mbanza!BSBBSB: The voice of the LORD calls out to the city (and it is sound wisdom to fear Your name): “Heed the rod and the One who ordained it.
10. 10MKWMu ke ndima ti bantu ya yimbi kukutikisa bimvwama ya kulaba na bayinzo ya bawu? Mu ke ndima ti bawu sadila Efa ya luvunu yina ke na kusombola munu?BSBBSB: Can I forget any longer, O house of the wicked, the treasures of wickedness and the short ephah, which is accursed?
11. 11MKWMu nungisa bayina ke na kusadila bipezolo ya luvunu? Mu nungisa bayina kele na bitezolo ya luvunu ya bakilo?BSBBSB: Can I excuse dishonest scales or bags of false weights?
12. 12MKWBamvwama ya mbanza ke sadilaka yimbi samu na kuvwama, bantu ya mbanza yango ke vunaka bantu mpe bawu me fuluka na luvunu.BSBBSB: For the wealthy of the city are full of violence, and its residents speak lies; their tongues are deceitful in their mouths.
13. 13MKWNa yina, mu me banda na kufidisa beno bampasi, mu ke mwangisa beno samu na masumu ya beno.BSBBSB: Therefore I am striking you severely, to ruin you because of your sins.
14. 14MKWBeno ke kudya kasi beno ke yukuta ve, beno ke vwanda kaka na nsatu. Nyonso yina beno ke bumba beno ke sadila yawu ve. Mpe kana beno me bumba, mu ke mwangisa yawu na muzingu.BSBBSB: You will eat but not be satisfied, and your hunger will remain with you. What you acquire, you will not preserve; and what you save, I will give to the sword.
15. 15MKWBeno ke mwanga bambuma, kasi beno ke yonzika yawu ve. Beno ke kamuna bambuma ya olive, kasi beno ke sadila ve mafuta ya yawu. Beno ke kamuna bambuma ya vinu, kasi beno ke kunwa ve vinu ya yawu.BSBBSB: You will sow but not reap; you will press olives but not anoint yourselves with oil; you will tread grapes but not drink the wine.
16. 16MKWBeno ke na kulanda mavanga ya yimbi ya ntinu Omeli mpe mavanga nyonso ya dikanda ya ntinu Akabe. Beno ke na kulanda mutindu ya bawu ya kusadila. Na yina, mu ke mwangisa mbanza ya beno mpe bantu ya nkaka ke seka beno. Mpe beno ke vwanda na nsoni yina me kumina bantu ya munu.»BSBBSB: You have kept the statutes of Omri and all the practices of Ahab’s house; you have followed their counsel. Therefore I will make you a desolation, and your inhabitants an object of contempt; you will bear the scorn of the nations.”