Luke 1616LukeThe journey to JerusalemTavoyan Bible

Tavoyan BibleBerean Standard Bible

1. 1TVNယေရှုဟှာ တဗဲ့တော်လေဟှို “ဌေးတယော့‑က်မာ ဘဏ္ဍာစိုး တယော့‑က် ရှိဟှယ်။ အယ်ဘဏ္ဍာစိုးဟှာ ဌေးရဲ့ အောက်စာ ပစ်စီးလေဟှို ဖ္လူးစားပစ်နေဟှယ် ဆိုဘီး ဌေးဟှို လာပြောဂေ့ဟှယ်။BSBBSB: Jesus also said to His disciples, “There was a rich man whose manager was accused of wasting his possessions.
2. 2TVNအယ်ကြောန့် ဌေးဟှ ဘဏ္ဍာစိုးဟှို ခေါ်ဘီး ‘နန့်ကြောန်းလေ ငါကြားရဇာလေဟှ ဖြားလေနူး။ နန့်ဟှို ငါ့ရဲ့ ဘဏ္ဍာစိုးဖြစ်န ဆစ်ဘီး ထားနိုင်ဟှို့မှုဘီ။ အယ်ကြောန့် နန့်ရဲ့ လောက်ငန်းနဆိုင်ဟှူု စာရင်းလေဟှို တန်ပြပါ’ ဆိုဘီး ပြောလေဟှယ်။BSBBSB: So he called him in to ask, ‘What is this I hear about you? Turn in an account of your management, for you cannot be manager any longer.’
3. 3TVNဘဏ္ဍာစိုးဟှ ‘ငါ့သခင်ဟှ ငါ့ဟှို လောက်ဖ္လုလိုက်ဘီ။ ငါ ဖယ်မျိုးလောက်ရမယ်နူး။ ငါ့မာ မ္လေတူးဟှို့ ခွန်အားလည်း မှေ့ဟှ။ တောန်းစားဟှို့လည်း ငါယှစ်ဟှယ်။BSBBSB: The manager said to himself, ‘What shall I do, now that my master is taking away my position? I am too weak to dig and too ashamed to beg.
4. 4TVNဘဏ္ဍာစိုး ရာထူးဟှနေ ငါပ္လုဟှားဟှူ ခီမာ လူလေဟှာ သူးနို့ရဲ့ အီလေမာ ငါ့ဟှို လတ်ခံအောန် ဖြားမျိုးလောက်ရမယ် ဆိုဇာဟှို ငါသိဘီ!’ ဆိုဘီး ကိုယ့်ကိုယ်ကိုယ် ပြောလေဟှယ်။BSBBSB: I know what I will do so that after my removal from management, people will welcome me into their homes.’
5. 5TVNအယ်ကြောန့် သူ့သခင်ဟှို ကပ်ကွီးပေးဇာရှိဟှူ လူလေ ဂူလောင်းဟှို ခေါ်လိုက်ဟှယ်။ ပထမလူဟှို ‘ငါ့သခင်ဟှို ဆပ်ရဟှို့ ကပ်ကွီး ဖယ်မျှရှိနူး’ ဆိုဘီး မေးလေဟှယ်။BSBBSB: And he called in each one of his master’s debtors. ‘How much do you owe my master?’ he asked the first.
6. 6TVNအယ်လူဟှ ‘ဆီဂါလံ ၈၀၀ ပေးဇာ ရှိပါဟှယ်’ ဆိုဘီး ပ္လန်ဖြေဟှယ်။ ဘဏ္ဍာစိုးဟှ သူ့ဟှို ‘နန့်ရဲ့ ကပ်ကွီးစာရင်းဟှို ယူဘီး ဂါလံ ၄၀၀ ဆိုဘီး ဗြန်းဗြန်ဟှားရေးပါ’ ဆိုဘီး ပြောလေဟှယ်။BSBBSB: ‘A hundred measures of olive oil,’ he answered. ‘Take your bill,’ said the manager, ‘sit down quickly, and write fifty.’
7. 7TVNအယ်ဘီးန နော့‑က်ထပ် တယော့‑က်ဟှို ‘နန့်မာလည်း ကပ်ကွီး ဖယ်မျှရှိဟှယ်နူး’ ဆိုဘီး မေးလေဟှယ်။ သူဟှ ‘ဂျောင်အိ ၁,၀၀၀ ပေးဇာရှိပါဟှယ်’ ဆိုဘီး ပ္လန်ဖြေဟှယ်။ ဘဏ္ဍာစိုးဟှ ‘နန့်ရဲ့ ကပ်ကွီး စားရင်းဟှို ယူဘီး အိ ၈၀၀ ဆိုဘီး ရေးပါ’ ဆိုဘီး သူ့ဟှို ပြောလေဟှယ်။BSBBSB: Then he asked another, ‘And how much do you owe?’ ‘A hundred measures of wheat,’ he replied. ‘Take your bill and write eighty,’ he told him.
8. 8TVNသခင်ဟှ အယ်မျိုးရိုးသားဘဲဟှူ ဘဏ္ဍာစိုးရဲ့ ပါးနပ်ဟှူ လောက်ဆောန်မှုတွပ် သူ့ဟှို ချီးကျူးလေဟှယ်။ ဖြားဖြစ်ကြောန့်နူးဆိုဟှာ လောကသားလေဟှာ သူးနို့ရဲ့ လောကီကိစလေ လောက်ဟှူ ခီမာ လန်းသားလေထတ် ပိုဘီး ပါးနပ်ဂေ့ဟှယ်” ဆိုဘီး မိန့်တော်မူလေဟှယ်။BSBBSB: The master commended the dishonest manager because he had acted shrewdly. For the sons of this age are more shrewd in dealing with their own kind than are the sons of light.
9. 9TVNယေရှုဟှ “နန်းနို့ဟှို ငါပြောမယ်။ လောက စည်းဇိမ်အားဖြင့် မိဆွေလေ ရအောန်လောက်ဂေ့။ အယ်မျိုးဆိုဟှာ အယ်စည်းဇိမ်လေ ကူဟှားဟှူ ခီမာ သူးနို့ဟှာ နန်းနို့ဟှို ထာဝရအီတော်မာ ကြိုဆိုလတ်ခံလေ့မယ်။BSBBSB: I tell you, use worldly wealth to make friends for yourselves so that when it is gone, they will welcome you into eternal dwellings.
10. 10TVNသေးငယ်ဟှူ မှုမာ သစ်စာရှိဟှူသူဟှာ ကီးမားဟှူ မှုမာလည်း သစ်စာရှိလေ့မယ်။ သေးငယ်ဟှူ မှုမာ သစ်စာမှေ့ဘဲဟှူ သူဟှာ ကီးမားဟှူ မှုမာလည်း သစ်စာရှိလေ့မယ် မှုဟှ။BSBBSB: Whoever is faithful with very little will also be faithful with much, and whoever is dishonest with very little will also be dishonest with much.
11. 11TVNအယ်ကြောန့် နန်းနို့ဟှာ လောကစည်းဇိမ်ဟှို သောင်းပြုဟှူ ခီမာ သစ်စာမှေ့ဘဲဟှူသူ ဖြစ်မယ် ဆိုဟှာ စစ်မှန်ဟှူ စည်းဇိမ်ဟှို ဖယ်သူဟှ နန်းနို့ဟှို အပ်မယ်နူး။BSBBSB: So if you have not been faithful with worldly wealth, who will entrust you with true riches?
12. 12TVNအယ်ဘီးဟှာ တခြားလူရဲ့ အောက်စာပစ်စီးဟှို သောင်းပြုဟှူ ခီမာ သစ်စာမှေ့ဟှ ဆိုဟှာ နန်းနို့ပိုင်ဆိုင်ဟှို့ အောက်စာပစ်စီးဟှို ဖယ်သူဟှာ ပေးဂေ့မယ်နူး။BSBBSB: And if you have not been faithful with the belongings of another, who will give you belongings of your own?
13. 13TVN“ဖယ်ကျွန်ဘဲ့ဖြစ်ဖြစ် သခင်နှေ့ယော့‑က်ရဲ့ စေဟှို ခံနိုင်ဟှ။ သခင်တယော့‑က်ဟှို မူးဘီး သခင်တယော့‑က်ဟှို ရှစ်လေ့မယ်။ တယော့‑က်ဟှို သစ်စာစောန့်ဘီး တယော့‑က်ဟှို ထီလေးဇားလောက်လေ့မယ်။ နန်းနို့လေဟှာ ဘုရားသခင်န လောကစည်းဇိမ်လေဟှို တပြိုင်ဒဲ စေခံနိုင်ဂေ့ဟှ” ဆိုဘီး မိန့်တော်မူလေဟှယ်။BSBBSB: No servant can serve two masters. Either he will hate the one and love the other, or he will be devoted to the one and despise the other. You cannot serve both God and money.”
14. 14TVNအယ်စကားလေဟှို ဖာရိရှဲလေ ကြားရဟှူ ခီမာ ယေရှုဟှို လှောန်ပြောန်ဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့လေဟှာ ကပ်မတ်မားလေ ဖြစ်ဟှယ်။BSBBSB: The Pharisees, who were lovers of money, heard all of this and were scoffing at Jesus.
15. 15TVNယေရှုဟှာ သူးနို့ဟှို “နန်းနို့ဟှာ လူလေရဲ့ ရှေ့မာ ဖြောန့်မတ်ဟန်ဆောန်ဟှယ်။ အယ်ဘေမဲ့ ဘုရားသခင်ဟှာ နန်းနို့ရဲ့ စိနှလောင်းဟှို သိနေဟှယ်။ လူလေ ရရာတိုင်း တန်ဖိုးထားဟှူဇာဟှာ ဘုရားသခင်ရဲ့ ရှေ့မာ ရွံဇာကောန်းဟှယ်” ဆိုဘီး မိန့်တော်မူလေဟှယ်။BSBBSB: So He said to them, “You are the ones who justify yourselves before men, but God knows your hearts. For what is prized among men is detestable before God.
16. 16TVN“မောရှေရဲ့ ပညတ်ကျမ်းန ပရောဖက်ကျမ်းလေဟှာ ဗတ္တိဇံယောဟန် လတ်ထတ်ထိ သတ်ရော့‑က်မှု ရှိဟှယ်။ အယ်ခီဂဒဲဟှနေ ဘုရားသခင်ရဲ့ နိုင်ငံတော်ကြောန်း ဒန်းကောန်းဟှို ဟောပြောဂေ့ဟှယ်။ လူတိုင်းဟှာ အယ်နိုင်ငံတော်ထဲဟှို လုယက် တိုးဝမ်ဂေ့ဟှယ်။BSBBSB: The Law and the Prophets were proclaimed until John. Since that time, the gospel of the kingdom of God is being preached, and everyone is forcing his way into it.
17. 17TVNအယ်ဘေမဲ့ ပညတ်တရားထဲမာ ငယ်ဆောင်းဖြစ်ဟှူ စာလောင်း တလောင်းပျစ်စီးဟှို့ထတ် ကောန်းဂန်ဘောင်န မ္လေဂီး ပျစ်စီးဟှို့ လွယ်ဟှယ်။”BSBBSB: But it is easier for heaven and earth to pass away than for a single stroke of a pen to drop out of the Law.
18. 18TVN“ကိုယ့်မယားဟှို ကွာရှင်းဘီးဟှာ တခြားမီးမန အီထောန်ပြုဟှူသူဟှာ အီထောန်ရေးဖော့‑က်ပ္လန်ရှင်းဟှို ကျူးလွန်သူ ဖြစ်ဟှယ်။ ကွာရှင်းဟှားဟှူ မီးမတယော့‑က်န အီထောန်ပြုဟှူ ယော့‑က်ကျားဟှာလည်း အီထောန်ရေးဖော့‑က်ပ္လန်ရှင်းဟှို ကျူးလွန်ဟှယ်။”BSBBSB: Anyone who divorces his wife and marries another woman commits adultery, and he who marries a divorced woman commits adultery.
19. 19TVN“တခါဒူးဟှ ဌေးတယော့‑က်ဟှာ ရရာတိုင်း ဖိုးကီးဟှူ ခရမ်းရောန်ဝတ်ရောင်န ပိချောဟှို ဝတ်ဆင်ဘီး နေ့တိုင်း စည်းဇိမ်ခံစားဘီး နေလေဟှယ်။BSBBSB: Now there was a rich man dressed in purple and fine linen, who lived each day in joyous splendor.
20. 20TVNဌေးရဲ့ အီခွဗော့‑က်နားမာ လာဇရု နာမယ်ရှိဟှူ ဆင်းရဲသား တယော့‑က်ရှိဘီး သူ့တကောန်လောင်းမာ အိုင်းနာလေ ပေါ့‑က်နေဘီး၊”BSBBSB: And a beggar named Lazarus lay at his gate, covered with sores
21. 21TVN“သူဟှာ ဌေးရဲ့ စားဗွဲဟှ က္လဟှူ စားကြွင်းစားကျန်လေဟှို စားရဟှို့တွပ် မျှော်နေဟှယ်။ ခွီးလေဟှလည်း သူ့ရဲ့ အိုင်းနာလေဟှို လာဘီး ယစ်နေလေဟှယ်။BSBBSB: and longing to be fed with the crumbs that fell from the rich man’s table. Even the dogs came and licked his sores.
22. 22TVNဆင်းရဲသားဟှာ သေဟှားဟှူ ခီမာ ကောန်းဂန်တမန်လေဟှ သူ့ဟှို အာဗြဟံရဲ့ ဘေးမာ ထိုင်စေဟှို့ သယ်ဆောန်ဟှားလေဟှယ်။ ဌေးလည်း သေဟှားဘီးဟှာ သင်္ဂြိုဟ်ရှင်းဟှို ခံရလေဟှယ်။BSBBSB: One day the beggar died and was carried by the angels to Abraham’s side. And the rich man also died and was buried.
23. 23TVNသူဟှာ မရဏာနိုင်ငံမာ ဝေဒနာဟှို ဆိုးဆိုးဝါးဝါး ခံနေရဘီး မော့ကေ့လိုက်ဇာ အာဗြဟံန အာဗြဟံရဲ့ ဘေးမာ လာဇရုဟှိုလည်း ဗြင်လိုက်ရဟှယ်။BSBBSB: In Hades, where he was in torment, he looked up and saw Abraham from afar, with Lazarus by his side.
24. 24TVNအယ်ကြောန့် သူဟှ ‘ဖအာဗြဟံ! ကျွန်တော့်ဟှို သနားပါ။ ကျွန်တော်ဟှာ အယ်မီးဘောင်ထဲမာ ဝေဒနာဟှို ဆိုးဆိုးဝါးဝါး ခံနေရကြောန့် လာဇရုရဲ့ လတ်ဖျားဟှို ရေဆွတ်ဘီး ကျွန်တော့်လျှာဟှို အေးစေဟှို့ သူ့ဟှို စေလွှတ်ပေးပါ!’ ဆိုဘီး အော်ပြောလေဟှယ်။BSBBSB: So he cried out, ‘Father Abraham, have mercy on me and send Lazarus to dip the tip of his finger in water and cool my tongue. For I am in agony in this fire.’
25. 25TVNအယ်ဘေမဲ့ အာဗြဟံဟှ ‘ငါ့သား၊ နန်ဟှာ သတ်ရှင်ခီဒူးဟှ ကောန်းဟှူဇာလေဟှို လတ်ခံရရှိဘီး လာဇရုဟှာ ကောန်းဘဲဟှူဇာလေဟှို လတ်ခံရရှိဟှားဟှယ် ဆိုဇာဟှို အော့‑က်မေ့ပါ။ အယ်ဘေမဲ့ ခု သူဟှာ အယ်နေရာမာ သတ်သာရှင်းရှိဘီး နန်ဟှ ဝေဒနာဟှို ဆိုးဆိုးဝါးဝါး ခံစားနေရဟှယ်။BSBBSB: But Abraham answered, ‘Child, remember that during your lifetime you received your good things, while Lazarus received bad things. But now he is comforted here, while you are in agony.
26. 26TVNအယ်ဘီးဟှာ နန်းနို့န နို့လေကြားမာ ရရာတိုင်း နတ်ဟှူချော့‑က်ဂီး တခုရှိဟှယ်။ အယ်ကြောန့် နန်းနို့ဟှလည်း နို့လေနားဟှို ကူးနိုင်ဂေ့ဟှ။ နို့လေဟှလည်း နန်းနို့နားဟှို ကူးနိုင်ဂေ့ဟှ’ ဆိုဘီး ပ္လန်ပြောလေဟှယ်။BSBBSB: And besides all this, a great chasm has been fixed between us and you, so that even those who wish cannot cross from here to you, nor can anyone cross from there to us.’
27. 27TVNဌေးဟှ ‘ဖ၊ အယ်ဆိုဟှာ လာဇရုဟှို ကျွန်တော့်ဖရဲ့ အီဟှို စေလွှတ်ပေးဟှို့တွပ် ကျွန်တော် တောန်းလျှော့‑က်ပါဟှယ်။BSBBSB: ‘Then I beg you, father,’ he said, ‘send Lazarus to my father’s house,
28. 28TVNကျွန်တော့်မာ ညီငါးယော့‑က်ရှိပါဟှယ်။ သူးနို့လေဟှို ဝေဒနာခံစားရဟှူ အယ်နေရာဟှို ရော့‑က်ဘဲအောန် သူးနို့ဟှို ဒိပေးဟှို့ လာဇရုဟှို သွားစေပါ’ ဆိုဘီး ပြောလေဟှယ်။BSBBSB: for I have five brothers. Let him warn them, so that they will not also end up in this place of torment.’
29. 29TVNအာဗြဟံဟှ ‘နန့်ရဲ့ ညီလေဟှို ဒိပေးဟှို့ မောရှေန ပရောဖက်လေ ရှိဟှယ်။ သူးနို့စကားလေဟှို နားထောန်ရမယ်’ ဆိုဘီး ပြောလေဟှယ်။BSBBSB: But Abraham replied, ‘They have Moses and the Prophets; let your brothers listen to them.’
30. 30TVNဌေးဟှ ‘ဖအာဗြဟံ၊ အယ်မျိုး မှုဟှ! သေရာဟှ ပ္လန်ရှင်လာဟှူ ယော့‑က်ယော့‑က်ဟှို သူးနို့နားဟှို သွားစေမယ် ဆိုဟှာ သူးနို့ဟှာ နောန်ဒရလေ့မယ်’ ဆိုဘီး ပ္လန်ပြောလေဟှယ်။BSBBSB: ‘No, father Abraham,’ he said, ‘but if someone is sent to them from the dead, they will repent.’
31. 31TVNအယ်ဘေမဲ့ အာဗြဟံဟှ ‘သူးနို့လေဟှာ မောရှေန ပရောဖက်လေရဲ့ စကားဟှို နားထောန်ဂေ့ဟှ ဆိုဟှာ သေရာဟှနေ ပ္လန်ရှင်လာဟှူ ယော့‑က်ယော့‑က်ဟှိုလည်း လတ်ခံယောင်ကြည်ဂေ့ဟှို့ မှုဟှ’ ဆိုဘီး ပြောလေဟှယ်” ဆိုဘီး မိန့်တော်မူလေဟှယ်။BSBBSB: Then Abraham said to him, ‘If they do not listen to Moses and the Prophets, they will not be persuaded even if someone rises from the dead.’”