Matthew 14 (YOM)

1Mu thangu yina nyadi Elode, wuwa tsangu yi Yesu.At that time Herod the tetrarch heard the reports about Jesus

2Wukamba bisadi biandi : —Mutu wowo niandi Yowani Mbotiki, wufulukidi mu bafua, diawu kadidi lulendo lu vangila bikumu.and said to his servants, “This is John the Baptist; he has risen from the dead! That is why miraculous powers are at work in him.”

3Bila Elode wukangisa Yowani ayi wunkangisa mu zisieni bosi wunkotisa mu nloko mu diambu di Elodiasi nketo wu khombꞌandi Filipi.Now Herod had arrested John and bound him and put him in prison on account of Herodias, his brother Philip’s wife,

4Bila Yowani wuba tubidilanga Elode ti : —Wisi ko minsua mu kunkuela.because John had been telling him, “It is not lawful for you to have her.”

5Elode wuba tombanga kumvondisa, vayi nkangu wu batu kaba ntinanga bila batu baba monanga ti Yowani widi mbikudi.Although Herod wanted to kill John, he was afraid of the people, because they regarded John as a prophet.

6Vayi mu lumbu ki nyengo wu mbutukulu wu Elode, muana wu nketo wu Elodiasi wukina va meso ma batu bobo batumusu ayi wumonisa Elode khini.On Herod’s birthday, however, the daughter of Herodias danced before them and pleased Herod

7Diawu kamvanina tsila mu leva ndefi ti mankamvana kima kioso kioki kanlomba.so much that he promised with an oath to give to her whatever she asked.

8Mu diambu di zindongi zi ngudi andi, diawu kankambila : —Phani vava mu dilonga ntu wu Yowani Mbotiki.Prompted by her mother, she said, “Give me here on a platter the head of John the Baptist.”

9Ntinu wumona kiadi kiwombo. Vayi mu diambu di ndefi yi kaleva ayi mu diambu di batu bobo bavuanda yandi va meza, buna wuvana lutumu ti bamvana wawu.The king was grieved, but because of his oaths and his guests, he ordered that her wish be granted

10Buna wutuma mutu ku nloko muingi kenda zengi ntu wu Yowani.and sent to have John beheaded in the prison.

11Banata ntu andi mu dilonga ayi bavana wawu kuidi muana ndumba. Niandi wuyenda kuwuvana kuidi ngudi andi.John’s head was brought in on a platter and presented to the girl, who carried it to her mother.

12Minlonguki mi Yowani miyiza bonga nituꞌandi ayi mizika yawu, bosi miyenda vumbudila Yesu kipholo.Then John’s disciples came and took his body and buried it. And they went and informed Jesus.

13Yesu bu kawa nsamu beni, wukatuka kuna mu nlungu ayi wuyenda niandi veka ku buangu kikondolo batu. Vayi thangu nkangu wu batu bu wuwa wawu ; batotuka mu mavula mawu ayi banlandakana mu malu.When Jesus heard about John, He withdrew by boat privately to a solitary place. But the crowds found out about it and followed Him on foot from the towns.

14Yesu bu kakuluka mu nlungu, wumona nkangu wu batu bawombo. Wuba mona kiadi kiwombo ayi wubelusa bimbevo biawu.When He stepped ashore and saw a large crowd, He had compassion on them and healed their sick.

15Mu thangu masika, minlonguki miyiza va kaba ayi minkamba : —Va buangu kikambulu batu tuidi bosi buisi bueka yila, diawu vutula batu baba mu mala muingi benda sumbi bidia !When evening came, the disciples came to Him and said, “This is a desolate place, and the hour is already late. Dismiss the crowds so they can go to the villages and buy themselves some food.”

16Vayi Yesu wuba kamba : —Basi mfunu mu kuenda ko, luba vananu beno veka bidia !“They do not need to go away,” Jesus replied. “You give them something to eat.”

17Buna bawu bamvutudila : —Tala, mapha matanu ayi zimbizi zizole zi nlangu kaka zidi yeto vava.“We have here only five loaves of bread and two fish,” they answered.

18Yesu wuba kamba : —Lundatina biawu vava.“Bring them here to Me,” Jesus said.

19Bosi wutuma nkangu wu batu wuvuanda va biti, wubonga mapha matanu beni ayi zimbizi zizole, wuvumbula meso ku yilu ayi wuvutula matondo. Wubukuna mapha beni ayi wuvana mawu kuidi minlonguki ayi miawu mikabudila nkangu wu batu.And He directed the crowds to sit down on the grass. Taking the five loaves and the two fish and looking up to heaven, He spoke a blessing. Then He broke the loaves and gave them to the disciples, and the disciples gave them to the people.

20Bawu boso badia ayi bayukuta. Batota bitini bisiadidila ayi biwesa kumi bipani biodi.They all ate and were satisfied, and the disciples picked up twelve basketfuls of broken pieces that were left over.

21Baboso badia baba nduka-nduka mili tanu yi babakala. Kadi tanga baketo ayi bana.About five thousand men were fed, besides women and children.

22Ku nzimunina Yesu wutuma minlonguki miandi mu kuma mu nlungu ayi mintuaminina ku disimu dinkaka. Niandi wusiala mu sindika nkangu wu batu.Immediately Jesus made the disciples get into the boat and go on ahead of Him to the other side, while He dismissed the crowds.

23Thangu kamana sindika nkangu wu batu, wukuma ku mongo muingi kenda sambila va buangu ki niandi veka. Nate buisi buyila buna wukidi kuna niandi veka kaka.After He had dismissed them, He went up on the mountain by Himself to pray. When evening came, He was there alone,

24Mu thangu yina nlungu wutula va khatitsika mbu, wunikunu kuidi mayo bila muphepi wudengana nlungu.but the boat was already far from land, buffeted by the waves because the wind was against it.

25Mu thangu yi nya yi builu, Yesu wuyenda ku baba vayi wudiatila va mbata mbu.During the fourth watch of the night, Jesus went out to them, walking on the sea.

26Minlonguki bu mimmona wulembo diatila va mbata mbu, mimona boma ayi mituba : —Tala nkuyu e ! Ayi mitona yamikina mu diambu di boma.When the disciples saw Him walking on the sea, they were terrified. “It’s a ghost!” they said, and cried out in fear.

27Bosi Yesu wuba kamba : —Bika lukinda, bila minu kuandi ; bikanu mona boma.But Jesus spoke up at once: “Take courage! It is I. Do not be afraid.”

28Buna Piela wunkamba : —A Pfumu e ! Enati bukiedika ngeyo kuandi, buna wukhamba ndiza kuidi ngeyo va mbata nlangu.“Lord, if it is You,” Peter replied, “command me to come to You on the water.”

29Yesu wunkamba : —Yiza ! Piela wutotuka mu nlungu, ayi wutona diata va mbata nlangu muingi kenda kuidi Yesu.“Come,” said Jesus. Then Peter got down out of the boat, walked on the water, and came toward Jesus.

30Vayi bu kamona ti muphepi widi wu ngolo buna wumona boma. Bu katona diama, wuyamikina : —A ! Pfumu ! Wumvukisa e… !But when he saw the strength of the wind, he was afraid and, beginning to sink, cried out, “Lord, save me!”

31Bosi Yesu wunonuna koko, wunsimba ayi wunkamba : —Mutu wu minu kifioti, bila mbi memitini e ?Immediately Jesus reached out His hand and took hold of Peter. “You of little faith,” He said, “why did you doubt?”

32Bakuma bawu buadi mu nlungu ayi vuka kimanisa.And when they had climbed back into the boat, the wind died down.

33Bobo baba mu nlungu bafukama va ntualꞌandi ayi batuba : —Bukiedika widi Muana Nzambi !Then those who were in the boat worshiped Him, saying, “Truly You are the Son of God!”

34Buna bamana sabuka mbu ; batula mu tsi Ngenezaleti.When they had crossed over, they landed at Gennesaret.

35Batu ba tsi yina, batembikisa tsangu mu zunga kina. Bosi batu bannatina bambevo ziawu zioso.And when the men of that place recognized Jesus, they sent word to all the surrounding region. People brought all the sick to Him

36Banleba ti kabika basimba kaka tsongi yi yunga kiandi. Babo bobo bansimba babeluka.and begged Him just to let them touch the fringe of His cloak. And all who touched Him were healed.

Matthew 14

You’ve read Matthew 14

Go deeper

Matthew 14

You’ve read Matthew 14

Go deeper