Ephesians 11EphesiansEvery blessing in ChristThe New Testament in the Konda Porja Language of India. Konda-Dora

The New Testament in the Konda Porja Language of India. Konda-DoraBerean Standard Bible

1. 1KFCPମାପୁରୁଦି ବଦାଦାନ୍ କ୍ରିସ୍ତ ଜିସୁଦି ଅରେନ୍ ପ୍ରେରିତ ସିସୁ ବାସେଆତି ମାନି ପାଉଲ ଜିସୁ କ୍ରିସ୍ତଦି ୱାଲେ ମିସାଜି ବିସ୍ବାସ୍ତାନ୍ ଜିଜିମାନି ଏପିସିୟଦି ମାପୁରୁଦି ବିସ୍ବାସିଲୋକା ଲାକ୍ତୁ ରାସ୍ତିମାନି ଇୟା ଆକୁBSBBSB: Paul, an apostle of Christ Jesus by the will of God, To the saints in Ephesus, the faithful in Christ Jesus:
2. 2KFCPମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତ ମିଙ୍ଗିଁ ଦୟା ନି ସାନ୍ତି ସିପିନ୍ ।BSBBSB: Grace and peace to you from God our Father and the Lord Jesus Christ.
3. 3KFCPରାଦୁ ଦନ୍ୟବାଦ୍ ସିନାଟ୍ ମା ପ୍ରବୁ ଜିସୁ କ୍ରିସ୍ତଦି ବୁବା ମାପୁରୁ । ଇରିଙ୍ଗ୍ ୱାନ୍ ମାଙ୍ଗିଁ କ୍ରିସ୍ତଦି ୱାଲେ ମିସାକିଜି ମୁସ୍କୁପୁର୍ତି ମେନ୍ଧଲ୍ତି ୱିଜୁ ଆତ୍ମିକ ଆର୍ସିବାଦ୍ ସିତିମାନି ।BSBBSB: Blessed be the God and Father of our Lord Jesus Christ, who has blessed us in Christ with every spiritual blessing in the heavenly realms.
4. 4KFCPକ୍ରିସ୍ତଦିମାନୁ ମିସାଜି ମାଡୁ ଏଣ୍ତେସ୍ ମାପୁରୁଦି ଲୋକୁ ଆନିକା ଆୟାଉଣ୍ତିଙ୍ଗ୍ ୱାନ୍ ମାଙ୍ଗିଁ ପୃତିବି ତିଆର୍ ଆନି ଆଗ୍ଡ଼ିରାନ୍ ବାସେକିତାମାନାନ୍ । ମାରି ୱାନି ଜିବନ୍ନୋନିକା ମାଡୁ ୱାନି ଆଗ୍ଡ଼ି ପବିତ୍ର ନି ଦସ୍ସିଲିକାର୍ ଆନିକା ।BSBBSB: For He chose us in Him before the foundation of the world to be holy and blameless in His presence. In love
5. 5KFCPଜିସୁ କ୍ରିସ୍ତଦି ମାଣାନ୍ ୱାନ୍ ମାଙ୍ଗିଁ ୱାନି କଡ଼ର୍ ନି ଆଇଲିକ୍ ୱାଜା ପସା କିଦେଙ୍ଗ୍ ଇଜି ତିଆର୍ କିତାମାର୍ହାନ୍; ଇକାନେ ମାର୍ହାତ୍ ୱାନି ୱେଡ଼ିକା ନି ବଦା ।BSBBSB: He predestined us for adoption as His sons through Jesus Christ, according to the good pleasure of His will,
6. 6KFCPମାପୁରୁଦି ଗୌରବ୍ ଦୟା ଉଣ୍ତିଙ୍ଗ୍ଁ ମାରି ୱାନି ଲାଡ୍ତି ମାରିନ୍ତିଙ୍ଗ୍ଁ ଆର୍ଏନେ ଦାନ୍ ୱାଜା ପୟ୍ତିମାନିଙ୍ଗ୍ଁ ସିଲେ, ମାପ୍ ମାପୁରୁଦି ଦନ୍ୟବାଦ କିଜିନାପ୍ ।BSBBSB: to the praise of His glorious grace, which He has freely given us in the Beloved One.
7. 7KFCPକ୍ରିସ୍ତଦି ସାତି ମାଣାନ୍ ମାଡ୍ ରକିୟା ପୟ୍ତିମାନିକା, ଅର୍ତାତ୍ ମା ୱିଜୁ ପାପ୍ କେମା ଆତାମାନାତ୍ । ମାପୁରୁଦି ଦୟା ଏସା ପେରିକା,BSBBSB: In Him we have redemption through His blood, the forgiveness of our trespasses, according to the riches of His grace
8. 8KFCPଆୟା ଦୟା ୱିଜୁଜାତିଦି ବୁଦି ମାରି ଜ୍ଞାନ୍ ୱାନ୍ ମାଙ୍ଗିଁ ନାଣ୍ତଦାନ୍ ସିତାମାନାନ୍ !BSBBSB: that He lavished on us with all wisdom and understanding.
9. 9KFCPମାପୁରୁ ୱାନି ପେରି ବୁଦି ନି ଲୋଇ ସୁଣି ମାଣାନ୍ ଆମାକା ବଦାକିତା ମାର୍ହାର୍, ଆକା ପୁରା କିତାମାନାନ୍ ମାରି ତାନିଙ୍ଗ୍ କ୍ରିସ୍ତଦି ସାକାଦାନ୍ ପୁରା କିଦେଙ୍ଗ୍ ଇଜି ୱାନ୍ ଏମେ ମାର୍ଗିତି ସିନ୍ତା କିତାମାର୍ହାନ୍, ଆକା ମା ଲାକ୍ତୁ ୱେକ୍ତା ମାନାନ୍ ।BSBBSB: And He has made known to us the mystery of His will according to His good pleasure, which He purposed in Christ
10. 10KFCPଆୟା ସିନ୍ତାଦି ଇସାବ୍ତାନ୍ ମୁସ୍କୁପୁର୍ ନି ଦୁନିଆଦି ୱିଜୁ ତିଆର୍ ଆତି ବିସୟ୍ ଉନ୍ଡ୍ରେ ଆନେ ମାରି କ୍ରିସ୍ତ ଆୟାୱିଜୁଦି ତାଲା ୱାଜା ତେବାନାନ୍ । ଇୟା ସିନ୍ତା ମାପୁରୁ ଟିକ୍ ୱେଡ଼ାଦୁ ପୁରା କିନାନ୍ ।BSBBSB: as a plan for the fullness of time, to bring all things in heaven and on earth together in Christ.
11. 11KFCPୱିଜୁ ବିସୟ୍ ମାପୁରୁଦି ଜୋଜନା ନି ରାଜିଆନି ଇସାବ୍ତାନ୍ ଆନାତ୍; ଆଗ୍ଡ଼ିରାନ୍ କିତିମାର୍ହି ନିଜେଦି ଉଦେସ୍ କିଦେଙ୍ଗ୍ ଇଜି, କ୍ରିସ୍ତଦି ମାଣାନ୍ ୱାନି ନିଜେ ଲୋକୁ ଆଦେଙ୍ଗ୍ ଇଜି ମାପୁରୁ ମାଙ୍ଗିଁ ଆସ୍କିତାମାନାନ୍ ।BSBBSB: In Him we were also chosen as God’s own, having been predestined according to the plan of Him who works out everything by the counsel of His will,
12. 12KFCPରାଦୁ, ଏମେକାର୍ ୱିଜେରି ଆଗ୍ଡ଼ି କ୍ରିସ୍ତମାନୁ ଆସା ଇଟ୍ତାମାର୍ପା, ୱିଜେରେ ମାପୁରୁଦି ମହିମା କିନିକା ।BSBBSB: in order that we, who were the first to hope in Christ, would be for the praise of His glory.
13. 13KFCPମିର୍ ବା ଏସ୍ତିୱାଲେ ରକିୟା ପୁଟ୍ନି ଇୟା ସୁସମାଚାର୍ତି ସତ୍ ମାଟା ୱେର୍ଇଦେର୍, ଆୟା ୱେଡ଼ାଦାନ୍ ମାପୁରୁଦି ଆତିମାନିଦେର୍ । ମିର୍ କ୍ରିସ୍ତଙ୍ଗ୍ଁ ବିସ୍ବାସ୍ କିତିମାନିଙ୍ଗ୍, ମାପୁରୁ ୱାନି ପାର୍ମାଣ୍ ଇସାବ୍ତାନ୍ ପବିତ୍ର ଆତ୍ମାଦିଙ୍ଗ୍ ସିଜି ମି ମୁସ୍କୁ ୱାନି ଅଦିକାର୍ତି ଟାପ୍ଡ଼େଇତା ମାନାନ୍ ।BSBBSB: And in Him, having heard and believed the word of truth—the gospel of your salvation—you were sealed with the promised Holy Spirit,
14. 14KFCPମାପୁରୁ ୱାନି ଲୋକାଙ୍ଗ୍ଁ ଏମେ ୱିଜୁ ବିସୟ୍ ସିଦେଙ୍ଗ୍ ଇଜି ପାର୍ମାଣ୍ କିତାମାନାନ୍, ଆୟାୱିଜୁ ଜେ ମାଡ୍ ପୟ୍ନିକା, ପବିତ୍ର ଆତ୍ମା ତାନି ସତ୍ ୱାଜା । ମାପୁରୁ ୱାନି ଲୋକାଙ୍ଗ୍ ମୁକ୍ଡ଼ାନି ପୁରାଆନିକା ସିନାନ୍, ଇୟା ସତ୍ ନେସ୍ସି, ରାଦୁ ମାପୁରୁଦି ଦନ୍ୟବାଦ କିନାଟ୍ ।BSBBSB: who is the pledge of our inheritance until the redemption of those who are God’s possession, to the praise of His glory.
15. 15KFCPଇୟାଉଣ୍ତିଙ୍ଗ୍ ପ୍ରବୁ ଜିସୁମାନୁ ମି ବିସ୍ବାସ୍ ନି ମାପୁରୁ ଲୋକା ଉଣ୍ତିଙ୍ଗ୍ ମି ଜିବନ୍ନୋନିକା ମାନାତ୍,BSBBSB: For this reason, ever since I heard about your faith in the Lord Jesus and your love for all the saints,
16. 16KFCPଇୟାୱିଜୁ କାବୁର୍ ୱେନ୍ଜି ମି ଉଣ୍ତିଙ୍ଗ୍ ମାପୁରୁଙ୍ଗୁଁ ଦନ୍ୟବାଦ ସିଜି ୱାଜିନା, ନାନୁ ବା ନା ପାର୍ତନାଦୁ ମିଙ୍ଗିଁ ୱିଜୁଦିନ୍ ଏତ୍କିଜି ୱାଜିନା ।BSBBSB: I have not stopped giving thanks for you, remembering you in my prayers,
17. 17KFCPନାନୁ ନା ଗୌରବ୍ତି ବୁବା, ମା ପ୍ରବୁ ଜିସୁ କ୍ରିସ୍ତଦି ମାପୁରୁଙ୍ଗୁଁ ପାର୍ତନା କିନା, ଏଣ୍ତେସ୍ ୱାନ୍ ମିଙ୍ଗିଁ ପବିତ୍ର ଆତ୍ମା ସିନାନ୍, ଆୟା ଆତ୍ମା ମିଙ୍ଗିଁ ବୁଦି ସିନାତ୍ ମାରି ମାପୁରୁଙ୍ଗୁଁ ମି ଲାକ୍ତୁ ତର୍ନାତ୍ । ଆତିଙ୍ଗ୍, ମିର୍ ୱାନିଙ୍ଗ୍ ନେସ୍ତେଙ୍ଗ୍ ଆଟ୍ନିଦେର୍ ।BSBBSB: that the God of our Lord Jesus Christ, the glorious Father, may give you a spirit of wisdom and revelation in your knowledge of Him.
18. 18KFCPନାନୁ ବାତିଙ୍ଗ୍ ମାଲ୍ନା, ଏଣ୍ତେସ୍ ୱାନି ଜାୟ୍ ସୁଡ଼ୁଦେଙ୍ଗ୍ ଇଜି ମି ଲୋଇରି କାଣ୍ଗା ରେଆନାତ୍ । ଆବେଣାନ୍ ଏମେ ଆସା ଉଣ୍ତିଙ୍ଗ୍ ମିର୍ ୱାନି ମାଣାନ୍ କୁକାୟ୍ଆତିମାନିଦେର୍, ଆକା ନେସ୍ନିଦେର୍ ।BSBBSB: I ask that the eyes of your heart may be enlightened, so that you may know the hope of His calling, the riches of His glorious inheritance in the saints,
19. 19KFCPୱାନି ଲୋକା ଉଣ୍ତିଙ୍ଗ୍ ୱାନି ପାର୍ମାଣ୍ତିକା କାବାଆନି ଆର୍ସିବାଦ୍ ୱିଜୁ ଜେ ଏସା ନାଣ୍ତ, ମାରି ମା ନାନି ବିସ୍ବାସି ଲୋକା ଲୋଇ ୱାନି ସାଲାନି ସାକ୍ତି ଜେ ଏସା ପେରିକା, ଆକା ମିର୍ ନେସ୍ତେଙ୍ଗ୍ ଆଟ୍ନିଦେର୍ ।BSBBSB: and the surpassing greatness of His power to us who believe. These are in accordance with the working of His mighty strength,
20. 20KFCPଇଲେଇ, ମା ଲୋଇ ପାଣିକିଜି ମାନି ଆୟା ସାକ୍ତି ଦାନ୍ ନେ ମାପୁରୁ କ୍ରିସ୍ତଙ୍ଗ୍ଁ ସାତି ମାଣାନ୍ ନିକ୍ସି ୱାନି ମୁସ୍କୁପୁର୍ତି ନିଜେଦି ଉଣେରି ତରିନ୍ ବାସିସ୍ କିତାମାନାନ୍ ।BSBBSB: which He exerted in Christ when He raised Him from the dead and seated Him at His right hand in the heavenly realms,
21. 21KFCPକ୍ରିସ୍ତ ୱିଜୁ ମୁସ୍କୁପୁର୍ତି ସାସନ୍ କିନିକାନ୍, କିଦେଙ୍ଗ୍ ଆଟ୍ନି ଅଦିକାରି, ସାକ୍ତିଦିକାନ୍ ମାରି ନେତାରି ମୁସ୍କୁ ସାସନ୍ କିନାନ୍, ଇୟା ଜୁଗ୍ କି ୱାନି ଜୁଗ୍ଦି ଅଦିକାରିସିନା ୱିଜୁ ଅଦିକାର୍ ବାଦ୍ଲୁ ୱାନି ଅଦିକାର୍ ନାଣ୍ତ ପେରିକା ।BSBBSB: far above all rule and authority, power and dominion, and every name that is named, not only in the present age but also in the one to come.
22. 22KFCPମାପୁରୁ ୱିଜୁ ବିସୟ କ୍ରିସ୍ତଦି ପାଦାମ୍ ଆଡ୍ଗି ଇଟ୍ତାମାନାନ୍ ମାରି ୱିଜୁ ବିସୟ ମୁସ୍କୁ ୱାନିଙ୍ଗ୍ଁ ୱିଜେରିଙ୍ଗ୍ ପେରି ପ୍ରବୁ ୱାଜା ମଣ୍ତଲିଦିଙ୍ଗ୍ଁ ସିତାମାନାନ୍ ।BSBBSB: And God put everything under His feet and made Him head over everything for the church,
23. 23KFCPମଣ୍ତଲି କ୍ରିସ୍ତଦି ମେନ୍ଧଲ୍; ମଣ୍ତଲି ଦାନ୍ କ୍ରିସ୍ତଦି ପାଣିଦି ପୁରାଆନି ପାଣି ଆନାତ୍; ମାରି କ୍ରିସ୍ତ ୱିଜୁ ବିସୟ ପୁରା କିନାନ୍ ।BSBBSB: which is His body, the fullness of Him who fills all in all.

Select verses for actions: Enter goes to them and Escape comes back.