Mark 1010MarkOn the way: Jesus teaches about the crossThe New Testament in the Konda Porja Language of India. Konda-Dora

The New Testament in the Konda Porja Language of India. Konda-DoraBerean Standard Bible

1. 1KFCPଜିସୁ ଆୟା ବାଡିଦାଣ୍ତ୍ ସର୍ଆନ୍ ନୋ ଜିହୁଦା ଇତିରାଜିଦୁ ସର୍ଆନ୍ ମାରି ଜର୍ଦନ ଗାଡା ନାଆଜି ୱାତାନ୍; ମାରି ନାଣ୍ତ ଲୋକୁ ମାରିଡ଼େସି ଜିସୁ ଲାକ୍ତୁ ଉଣ୍ତାତାର୍, ଜିସୁ ଆଗ୍ଡ଼ିରି ୱାଜାନେ ୱାରିଙ୍ଗ୍ ସିକିୟା ସିଦେଙ୍ଗ୍ ଆସ୍ତାନ୍ ।BSBBSB: Then Jesus left that place and went into the region of Judea, beyond the Jordan. Again the crowds came to Him and He taught them, as was His custom.
2. 2KFCPଏସୋ ଲୋକୁ ପାରୁସିର୍ ଜିସୁ ଲାକ୍ତୁ ୱାଜି ୱାନିଙ୍ଗ୍ ପରିକା କିଜି ୱେନ୍ବାତାର୍, “ନିଜେଦି ଆଡ଼ିଦିଙ୍ଗ୍ ଡ଼ିସ୍ତେଙ୍ଗ୍ଁ ଇନିକା ମେମାରି ତରଟାନ୍ ମା ନିୟମ୍ ମାନାତ୍ ନୋ ?”BSBBSB: Some Pharisees came to test Him. “Is it lawful for a man to divorce his wife?” they inquired.
3. 3KFCPଜିସୁ ୱାରିଙ୍ଗ୍ ଉତର୍ ସିତାନ୍, “ମୋସା ମିଙ୍ଗିଁ ଇନି ମାଟା ୱେର୍ତା ମାନାନ୍ ?”BSBBSB: “What did Moses command you?” He replied.
4. 4KFCPୱାର୍ ୱେର୍ତାର୍, “ଡ଼ିସ୍ନି ଆକୁ ରାସ୍ସି ଆଇମାଦିଙ୍ଗ୍ ଡ଼ିସ୍ତେଙ୍ଗ୍ଁ ମୋସା, ୱେର୍ତା ମାନାନ୍ ।”BSBBSB: They answered, “Moses permitted a man to write his wife a certificate of divorce and send her away.”
5. 5KFCPଜିସୁ ୱାରିଙ୍ଗ୍ ଇର୍ହାନ୍, “ମି ଜିବନ୍ତି ଆଟୁୱାଦିଙ୍ଗ୍ ସୁଡ଼୍ଜି ମୋସା ମିଙ୍ଗିଁ ଇୟାୱାଜା ବିଦି ରାସ୍ତା ଇଟ୍ଟା ମାନାନ୍ ।BSBBSB: But Jesus told them, “Moses wrote this commandment for you because of your hardness of heart.
6. 6KFCPମାତର୍ ଏଣ୍ତେସ୍ ସାସ୍ତ୍ର ଇନାତ୍, ଆୟାୱାଜା ତିଆର୍ ଆନି ଆଗ୍ଡ଼ିରାନ୍ ମାପୁରୁ ୱାରିଙ୍ଗ୍ ମେମାରି ନି ଆଇମା କିଜି ତିଆର୍ କିତାନ୍ ।BSBBSB: However, from the beginning of creation, ‘God made them male and female.’
7. 7KFCPଆଦେଙ୍ଗ୍ ଅରେନ୍ ଇୟାଉଣ୍ତିଙ୍ଗ୍ ମେମାର୍ଏନ୍ ନିଜେଦି ବୁବାୟାୟେଙ୍ଗ୍ ଡ଼ିସ୍ସି ନିଜେଦି ଆଡ଼୍ସି ୱାଲେ ତେବାନାନ୍ ମାରି ଆୟା ରିଏର୍ ଅରେନ୍ଆନାର୍,BSBBSB: ‘For this reason a man will leave his father and mother and be united to his wife,
8. 8KFCPୱାର୍ ରିଏର୍ ଉଣ୍ତ୍ରେନେ ଆନାର୍ । ମାରି ୱାର୍ ରିଏର୍ ଆଏର୍, ମାତର୍ ଉଣ୍ତ୍ରେନେ ଆନାର୍ ।BSBBSB: and the two will become one flesh.’ So they are no longer two, but one flesh.
9. 9KFCPମାପୁରୁ ଆମାକା ମିସାକିତା ମାନାନ୍, ଆକା ଲୋକୁ ୱାରିଙ୍ଗ୍ ୱେର୍ଏ କିମାକିର୍ ।”BSBBSB: Therefore what God has joined together, let man not separate.”
10. 10KFCPୱେନ୍କା ସିସୁର୍ ଇନ୍ଡ୍ର ଡ଼େସି ୱାତି ୱେନ୍କା ଜିସୁଙ୍ଗୁଁ ଇୟା ବିସୟତୁ ମାରିଡ଼େସି ୱେନ୍ବାତାର୍ ।BSBBSB: When they were back inside the house, the disciples asked Jesus about this matter.
11. 11KFCPଆବେନ୍ ଜିସୁ ୱାରିଙ୍ଗ୍ ଇର୍ଆନ୍, “ଏନ୍ଆପିନ୍ ନିଜେଦି ଆଡ଼ିଦିଙ୍ଗ୍ ଡ଼ିସ୍ନାନ୍ ନୋ ମାରି ଉନ୍ଣ୍ତ୍ରିତାନିଙ୍ଗ୍ ପେଡ଼ି ଆନାନ୍, ଆୟା ମେମାରି ଆଡ଼ିସ୍ ବିରଦ୍ତାନ୍ ଦାରିପାଣି କିନାନ୍;BSBBSB: So He told them, “Whoever divorces his wife and marries another woman commits adultery against her.
12. 12KFCPମାରି, ଜଦି ଏମେ ଆଇମା ନିଜେତି କନ୍ଲିଙ୍ଗ୍ ଡ଼ିସ୍ସି ମାରି ଅରେନ୍ ମେମାର୍ଏନ୍ତିଙ୍ଗ୍ ପେଡ଼ି ଆନାତ୍, ଆୟା ଆଇମା ବା ଦାରି ପାପ୍ତୁ ଦସ୍ ଆନାତ୍ ।”BSBBSB: And if a woman divorces her husband and marries another man, she commits adultery.”
13. 13KFCPଜିସୁ ଏଣ୍ତେସ୍ ଇସ୍ରି କଡ଼ରିଙ୍ଗ୍ କିୟୁ ଇଡ୍ଜି ଆର୍ସିବାଦ୍ କିନି ଉଣ୍ତିଙ୍ଗ୍, ଲୋକୁ ଇସ୍ରି କଡ଼ରିଙ୍ଗ୍ ଜିସୁ ଲାକ୍ତୁ ତାତାର୍; ମାତର୍ ସିସୁର୍ ଆୟା ଲୋକାଙ୍ଗ୍ ଆଦ୍ରିସ୍ତେଙ୍ଗ୍ ଆସ୍ତାର୍ ।BSBBSB: Now people were bringing the little children to Jesus for Him to place His hands on them, and the disciples rebuked those who brought them.
14. 14KFCPସିସୁର୍ ଲୋକାଙ୍ଗ୍ ଲାଗାନିକା ସୁଡ଼୍ଜି, ଜିସୁ ସିସୁରି ମୁସ୍କୁ ରିସା ଆତାନ୍ନୋ ଇର୍ହାନ୍, “ଇସ୍ରି କଡ଼ରିଙ୍ଗ୍ ନା ଲାକ୍ତୁ ୱାଦେଙ୍ଗ୍ ସିଦୁ, ୱାରିଙ୍ଗ୍ ମାନା କିମାଟ୍; ଏନ୍ଧା ଇରିଙ୍ଗ୍ ମାପୁରୁତି ରାଜି ଇୟାୱାଜା ଇସ୍ରି କଡ଼ରିଦି ।BSBBSB: But when Jesus saw this, He was indignant and told them, “Let the little children come to Me, and do not hinder them! For the kingdom of God belongs to such as these.
15. 15KFCPନାନ୍ ମିଙ୍ଗିଁ ସତ୍ ଇଜିନା, ଏନ୍ ଜଦି ଇସ୍ରିକଡ଼ୱାଜା ମାପୁରୁଦି ରାଜିଦିଙ୍ଗ୍ ଆସ୍ଏନ୍, ୱାଣ୍ତ୍ରୁ ଏଣ୍ତେସ୍ କିଜିବା ଆବେନ୍ ଡ଼ୁଗୁଦେଙ୍ଗ୍ ଆଟ୍ଏନ୍ ।”BSBBSB: Truly I tell you, anyone who does not receive the kingdom of God like a little child will never enter it.”
16. 16KFCPଇୟା ୱେନ୍କା ଜିସୁ ୱାରିଙ୍ଗ୍ ଗାତୁ ଆସ୍ତାନ୍ନୋ କଡ଼ରି ମୁସ୍କୁ କିୟୁ ଇଡ୍ଜି କଡ଼ରିଙ୍ଗ୍ ଆର୍ସିବାଦ୍ କିତାନ୍ ।BSBBSB: And He took the children in His arms, placed His hands on them, and blessed them.
17. 17KFCPଜିସୁ ମାରିଡ଼େସି ସନିୱାଲେ ଅରେନ୍ ଲୋକୁ ଉରୁକ୍ସି ୱାଜି ଜିସୁଦି ଆଗ୍ଡ଼ି ମେଣ୍ତେଙ୍ଗ୍ ଗଟ୍କିଜି ୱାନିଙ୍ଗ୍ ୱେନ୍ବାତାନ୍, “ଏ ସତ୍ ଗୁରୁ, ଏସ୍କାଙ୍ଗ୍ୱିଜିଇ ଜିବନ୍ ପୟ୍ନି ଉଣ୍ତିଙ୍ଗ୍ ନାନ୍ ଇନିକା କିଦେଙ୍ଗ୍ ଆନାତ୍ ?”BSBBSB: As Jesus started on His way, a man ran up and knelt before Him. “Good Teacher,” he asked, “what must I do to inherit eternal life?”
18. 18KFCPଆବେନୁ ଜିସୁ ୱାନିଙ୍ଗ୍ ଇର୍ହାନ୍, “ନାଙ୍ଗିଁ ନେଗିକାନ୍ ଇଜି ଇନିଦାନିଙ୍ଗ୍ ଇଜିନି ?” ମାରି ମାପୁରୁଙ୍ଗୁଁ ଡ଼ିସ୍ତିଙ୍ଗ୍, “ମାରି ଆଇକାନ୍ ଏନ୍ବା ସତ୍ ।BSBBSB: “Why do you call Me good?” Jesus replied. “No one is good except God alone.
19. 19KFCPନିନ୍ ସାସ୍ତ୍ରଦି ନିୟମ୍କୁ ୱିଜୁ ନେସ୍ତିମାନି, ଲୋକାଙ୍ଗ୍ ସାୟାମାର୍ଗା ଡାକ୍ମାଟ୍, ଦାରିପାଣି କିମାଟ୍, ଡଙ୍ଗାଁ କିମାଟ୍, ଏ ବିରଦ୍ତାନ୍ ମିସ୍ ମାଟା ଇନ୍ଡ୍ରେଙ୍ଗ୍ ଆଏତ୍, ଲୋକାଙ୍ଗ୍ ଆସା କିମାଟ୍, ନିଜେଦି ବୁବା ୟାୟାଏଙ୍ଗ୍ ମାନାଦୁ ।”BSBBSB: You know the commandments: ‘Do not murder, do not commit adultery, do not steal, do not bear false witness, do not cheat others, honor your father and mother.’”
20. 20KFCPଆୟା ମାଜନ୍ ଲୋକୁ ଇର୍ଆନ୍, “ଏ ଗୁରୁ, ଇୟାୱିଜୁ ନାନ୍ ମୁରୁଲିୱାଲେରାନ୍ ଇୟାୱିଜୁ ନିୟମ୍ ମାନାଜି ୱାଜିନା ।”BSBBSB: “Teacher,” he replied, “all these I have kept from my youth.”
21. 21KFCPଜିସୁ ୱାନି ତରିଣ୍ତ୍ ସୁଡ଼୍ଜି ୱାନିଙ୍ଗ୍ ଲାଡ୍କିଜି ଇର୍ଆନ୍, “ନି ଉଣ୍ତ୍ରିବିସୟ ଉଣାମାନାତ୍, ସାଙ୍ଗ୍ ନି ୱିଜୁ ଦନ୍ ସମ୍ପତ୍ତି ପର୍ସୋ କାକୁର୍ତି ଲୋକାଙ୍ଗ୍ ଡାବୁଙ୍ଗୁଁ ବାଟାକିଜି ସିଆ, ଆବେଟ୍ ନିନ୍ ମୁସ୍କୁପୁର୍ତି ଦନ୍ ପଇନି; ମାରି, ୱାଜି ନା ୱେନ୍କା ବୁଲାଆ ।”BSBBSB: Jesus looked at him, loved him, and said to him, “There is one thing you lack: Go, sell everything you own and give to the poor, and you will have treasure in heaven. Then come, follow Me.”
22. 22KFCPଜିସୁଦି ଇୟା ମାଟା ୱେର୍ଆନ୍ ନୋ ଆୟା ଲୋକ୍ତି ମକମ୍ ୱାର୍ତା ସର୍ଆତ୍ ମାରି ୱାନ୍ ଦୁଃକ୍ ଆଜି ଇନ୍ଡ୍ର ସର୍ଆନ୍, ଇରିଙ୍ଗ୍ ୱାନିଙ୍ଗ୍ ନାଣ୍ତ ଦନ୍ ସମ୍ପତ୍ତି ମାର୍ଆତ୍ ।BSBBSB: But the man was saddened by these words and went away in sorrow, because he had great wealth.
23. 23KFCPଜିସୁ ସାରିବେଡ଼୍ତି ସୁଡ଼ୁତାନ୍ ନୋ ନିଜେଦି ସିସୁରିଙ୍ଗ୍ ଇର୍ହାନ୍, “ଏମେ ଲୋକାଙ୍ଗ୍ ନାଣ୍ତ ଦନ୍ ମାନାତ୍, ୱାରୁ ବେସି କାସ୍ଟୁଦାନ୍ ମାପୁରୁତି ରାଜିଦୁ ସନ୍ଡ଼୍ରେଙ୍ଗ୍ ଆଟ୍ନାର୍ ।”BSBBSB: Then Jesus looked around and said to His disciples, “How hard it is for the rich to enter the kingdom of God!”
24. 24KFCPଜିସୁଦି ମାଟା ୱେନ୍ଜି ସିସୁର୍ କାବାଆତା ସର୍ଆର୍ । ମାତର୍ ଜିସୁ ମାରିଡ଼େସି ୱାରିଙ୍ଗ୍ ଇର୍ଆନ୍, “ଏ ନା କଡ଼ର୍, ମାପୁରୁଦି ରାଜିଦୁ ସନ୍ଡ଼୍ରେଙ୍ଗ୍ ସତେନେ କାସ୍ଟୁ !BSBBSB: And the disciples were amazed at His words. But Jesus said to them again, “Children, how hard it is to enter the kingdom of God!
25. 25KFCPଉଣ୍ତ୍ରି ସୁଜିଦି ବର୍ ସିଜି ଉଟ୍ ଡ଼ୁଗୁନିକା ଉସାସ୍, ମାତର୍ ଅରେନ୍ ମାଜନ୍ ଲୋକୁ ମାପୁରୁଦି ରାଜିଦୁ ସନିକା କାସ୍ଟୁ ।”BSBBSB: It is easier for a camel to pass through the eye of a needle than for a rich man to enter the kingdom of God.”
26. 26KFCPଇୟା ମାଟା ୱେନ୍ଜି ସିସୁର୍ ନାଣ୍ତ କାବା ଆତାର୍ ନୋ ୱାରିୱାରି ଲୋଇ ୱାର୍ଗିଜି ସାତାର୍, “ଆର୍ତିଙ୍ଗ୍ ଏନ୍ ରକିୟା ପଇଦେଙ୍ଗ୍ ଆଟ୍ନାନ୍ ?”BSBBSB: They were even more astonished and said to one another, “Who then can be saved?”
27. 27KFCPଜିସୁ ସିସୁରିଙ୍ଗ୍ ସାଡ଼୍କୁ ସାଡ଼୍କୁ ସୁଡ଼୍ଜି ଇର୍ହାନ୍, “ଇକା ଲୋକାଦି ଉଣ୍ତିଙ୍ଗ୍ ଆଟ୍ୱା, ମାତର୍ ମାପୁରୁଦିଙ୍ଗ୍ ଉଣ୍ତିଙ୍ଗ୍ ଉସାସ୍, ଇରିଙ୍ଗ୍ ମାପୁରୁ ୱିଜୁ କିଦେଙ୍ଗ୍ ଆଟ୍ନାନ୍ ।”BSBBSB: Jesus looked at them and said, “With man this is impossible, but not with God. For all things are possible with God.”
28. 28KFCPଇୟା ମାଟା ୱେନ୍ଜି ପିତର୍ ଜିସୁଙ୍ଗୁଁ ଇର୍ହାନ୍, “ସୁଡ଼୍ଆ, ମାପ୍ ୱିଜୁ ଡ଼ିସ୍ସି ନି ୱେନ୍କା ୱାତା ମାନାପ୍ ।”BSBBSB: Peter began to say to Him, “Look, we have left everything and followed You.”
29. 29KFCPଜିସୁ ଇର୍ହାନ୍, “ନାନ୍ ମିଙ୍ଗିଁ ସତ୍ ଇଜିନା,” ଏମେ ଲୋକୁ ନା ୱେନ୍କା ୱାନି ଉଣ୍ତିଙ୍ଗ୍ “ମାରି ନା ସୁସମାଚାର୍ ୱେର୍ନି ଉଣ୍ତିଙ୍ଗ୍ ଏନ୍ବା ଇଲୁ, ତଡ଼ାନ୍ତିଙ୍ଗ୍ ନି ତାଙ୍ଗିଁ, ବୁବା ନି ୟାୟେଙ୍ଗ୍, କଡ଼କକ୍ରାରିଙ୍ଗ୍ ମାରି ବୁମିବାଡ଼ା ଡ଼ିସ୍ତାମାନାନ୍,BSBBSB: “Truly I tell you,” Jesus replied, “no one who has left home or brothers or sisters or mother or father or children or fields for My sake and for the gospel
30. 30KFCPମାରି ଇଲେଇ ଇୟା ଜଗ୍ତୁ ଦାପେ ଦାପେନେ ଶହେ ଗୁଣୁତାନ୍ ଇଲୁ, ତଡ଼ାନ୍, ତାଙ୍ଗିଁ, ୟାୟା, ମାରିନ୍, ଗାଡ଼ି, ମାରି ଭୁମିବାଡ଼ିଦି ୱାଲେ କାସ୍ଟୁ ବା ପଇନାନ୍ । ମାରି ୱାନି ଦିନ୍ତୁ ଏସ୍କାଙ୍ଗ୍ୱିଜ୍ଇ ଜିବନ୍ ପଇନାନ୍ ।BSBBSB: will fail to receive a hundredfold in the present age—houses and brothers and sisters and mothers and children and fields, along with persecutions—and in the age to come, eternal life.
31. 31KFCPମାତର୍ ଇଲେଇ ଏମେ ଲୋକ୍ଡର୍ ଆଗ୍ଡ଼ି ମାନାର୍, ୱାର୍ ୱେନ୍କା ଆନାର୍, ମାରି ୱେନ୍କା ମାନି ଲୋକ୍ଡର୍ ଆଗ୍ଡ଼ି ଆନାର୍ ।”BSBBSB: But many who are first will be last, and the last will be first.”
32. 32KFCPଇୟା ୱେନ୍କା ୱାର୍ ଜିରୁସାଲାମ୍ତୁ ସନିୱାଲେ ସାରିଦୁ ମାରାଆନ୍ ମାରି ଜିସୁ ସିସୁରି ଆଗ୍ଡ଼ି ଆଗ୍ଡ଼ି ସଲ୍ସି ମାର୍ଆନ୍, ମାରି ଶିଶୁର୍ କାବାଆତା ସର୍ଆର୍, ମାରି ୱାନି ୱେନ୍କା ବୁଲାଜି ମାର୍ଇ ଲୋକ୍ଡର୍ ତିଲାତାସର୍ଆର୍ । ଜିସୁ ମାରିଡ଼େସି ବାର ଲୋକାଙ୍ଗ୍ କୁକ୍ସି, ୱାନି ଉଣ୍ତିଙ୍ଗ୍ ଇନିକା ଇନିକା ୱିଜୁ ଗଟେଆଦେଙ୍ଗ୍ ସଲ୍ସିନାତ୍, ଆୟା ବିସୟତାନ୍ ୱିଜୁ ସିସୁରିଙ୍ଗ୍ ଇନ୍ଡ୍ରେଙ୍ଗ୍ ଆସ୍ତାନ୍ ।BSBBSB: As they were going up the road to Jerusalem, Jesus was walking ahead of them. The disciples were amazed, but those who followed were afraid. Again Jesus took the Twelve aside and began to tell them what was going to happen to Him:
33. 33KFCPଜିସୁ ଇର୍ହାନ୍, “ୱେନ୍ଡ୍ରୁ, ମାପ୍ ଜିରୁସାଲମ୍ତୁ ସଲ୍ସିନାପ୍; ଆବେ ମନୁଷ୍ୟପୁତ୍ର ଜେ ନାନ୍ ପେରି ପେରି ଜାଜକ ମାରି ସାସ୍ତ୍ରିରି କିୟୁଦୁ ସେର୍ପାନା, ମାରି ୱାରୁ ନାଂଇ ସାନି ଦଣ୍ଡ୍ ସିନି ଉଣ୍ତିଙ୍ଗ୍ ଆଇ ଅଣଜିହୁଦି ଲୋକ୍ତି କିୟୁଦୁ ସର୍ପେ କିଜି ସିନାର୍, ନାଂଇ ବିଚାର୍ କିଜି ଡାକ୍ନାର୍ ।BSBBSB: “Look, we are going up to Jerusalem, and the Son of Man will be delivered over to the chief priests and scribes. They will condemn Him to death and will deliver Him over to the Gentiles,
34. 34KFCPମନୁଷ୍ୟପୁତ୍ରଦିଙ୍ଗ୍ ଜେ ନାନ୍ ୱାର୍ ନାଂଇ ସେମାର୍ କିନାର୍, ନା ମୁସ୍କୁ ପୁସ୍ନାର୍, ନାଂଇ କୋର୍ଡାଦାଣ୍ତ୍ ଡାକ୍ନାର୍ ମାରି ନାଂଇ ସାପିସ୍ କିନାର୍, ମାରି ମୁନେଟି ୱେନ୍କା ୱାନ୍ ମାରିଡ଼େସି ଜିବନ୍ଆଜି ନିଙ୍ଗିଁନାନ୍ ।”BSBBSB: who will mock Him and spit on Him and flog Him and kill Him. And after three days He will rise again.”
35. 35KFCPଜେବଦଦି ମାରିସିର୍ ଯାକୁବ ନି ଯୋହନ ଜିସୁ ଲାକ୍ତୁ ୱାତା ରୋ ଇର୍ହାର୍, “ଏ ଗୁରୁ,” ମା ଉଣ୍ତିଙ୍ଗ୍ ଇନିକା ବା କିଆ, “ମାପ୍ ନିବାନୁ ଇନିକା ଲସ୍ନାପ୍, ଆୟାକା ମା ଉଣ୍ତିଙ୍ଗ୍ କିଆ ।”BSBBSB: Then James and John, the sons of Zebedee, came to Jesus and declared, “Teacher, we want You to do for us whatever we ask.”
36. 36KFCPଜିସୁ ୱାରିଙ୍ଗ୍ ୱେନ୍ବାତାନ୍, “ନାନ୍, ମି ଉଣ୍ତିଙ୍ଗ୍ ଇନିକା କିନା ଇଜି ମିର୍ ଇନିକା ବଦା କିଜିନିଦେର୍ ?”BSBBSB: “What do you want Me to do for you?” He inquired.
37. 37KFCPୱାରୁ ଜିସୁଙ୍ଗୁଁ ଇର୍ହାର୍, “ମାପୁରୁତି ରାଜିଦୁ ଏସିୱାଲେ ନିନ୍ ମହିମାଦି ରାଜାଗଦିଦୁ ବାସ୍ନି ମା ମାଣ୍କୁ ଅରେନ୍ ଲୋକ୍ତିଙ୍ଗ୍ ନି ଉଣେରି କିୟୁ ତରିନ୍ ମାରି ଅରେନ୍ ଲୋକ୍ତିଙ୍ଗ୍ ନି ଡେବ୍ରିକିୟୁ ତରିନ୍ ବାସ୍ତେଙ୍ଗ୍, ମାଙ୍ଗିଁ ଇୟା ବର୍ ସିଦା ।”BSBBSB: They answered, “Grant that one of us may sit at Your right hand and the other at Your left in Your glory.”
38. 38KFCPମାତର୍ ଜିସୁ ୱାରିଙ୍ଗ୍ ଇର୍ଆନ୍, “ମିର୍ ଇନିକା ଲସ୍ସିନିଦେର୍, ଆୟାକା ମିର୍ ନେସ୍ତେଙ୍ଗ୍ କି ବୁଝାଦେଙ୍ଗ୍ ଆଟ୍ଏଜିନିଦେର୍ । ନାନ୍ ଏମେ ଦୁଃକୁ ବୋଗାଜି ଉଣ୍ତେଙ୍ଗ୍ ସନା, ଆୟା ଦୁଃକୁତିଙ୍ଗ୍ ବୋଗାଜି ଉଣ୍ତେଙ୍ଗ୍ ଆଟ୍ନିଦେର୍ ନୋ ? ନାନ୍ ଏମେ ସାନି ଡୁବନ୍ତୁ ଡୁବନ୍ ଅନା ମିର୍ ଇନିକା ଆୟା ଡୁବନ୍ତୁ ଅତେଙ୍ଗ୍ ଆଟ୍ନିଦେର୍ ନୋ ?”BSBBSB: “You do not know what you are asking,” Jesus replied. “Can you drink the cup I will drink, or be baptized with the baptism I will undergo?”
39. 39KFCPୱାର୍ ଜିସୁଙ୍ଗୁଁ ଇର୍ହାର୍, “ହୁଁ ମାପ୍ କିଦେଙ୍ଗ୍ ଆଟ୍ନାପ୍ ।” ଜିସୁ ୱାରିଙ୍ଗ୍ ଇର୍ଆନ୍, ନାନ୍ ଏମେ ଦୁଃକୁ ବୋଗାନା, “ମିର୍ ଆବେନୁ ଭୋଗାନିଦେର୍, ମାରି ନାନ୍ ଏମେ ସାନି ଡୁବନ୍ତୁ ଡୁବନ୍ ଅସିନା, ମିର୍ ନା ୱାଜା ଆବେନୁ ଡୁବନ୍ ଅତେଙ୍ଗ୍ ଆଟ୍ନିଦେର୍;BSBBSB: “We can,” the brothers answered. “You will drink the cup that I drink,” Jesus said, “and you will be baptized with the baptism that I undergo.
40. 40KFCPମାତର୍ ନା ଉଣେରି କିୟୁ ତରିଣ୍ତ୍ ନି ଡେବିରି କିୟୁ ତରିଣ୍ତ୍ ବାସିସ୍ କିଦେଙ୍ଗ୍ ନା ଅଦିକାର୍ ବିସୟ୍ ସିଲେତ୍; ମାତର୍ ଏମେ ଲୋକ୍ତି ଉଣ୍ତିଙ୍ଗ୍ ମା ବୁବା ଆୟା ବାଡି ତିଆର୍ କିତା ଇଟ୍ତାମାନାନ୍, ଆୟା ବାଡିଦୁ ୱାର୍ ବାସ୍ନାର୍ ।”BSBBSB: But to sit at My right or left is not Mine to grant. These seats belong to those for whom they have been prepared.”
41. 41KFCPଇୟା ମାଟା ୱେର୍ଆର୍ ନୋ ଆଇ ଦାସ୍ଲୋକ୍ ସିସୁର୍ ଜାକୁବ ନି ଯୋହନତି ମୁସ୍କୁ ରିସା ଆତାର୍ ।BSBBSB: When the ten heard about this, they became indignant with James and John.
42. 42KFCPଜିସୁ ୱାରିଙ୍ଗ୍ ଲାକ୍ତୁ କୁକ୍ତାନ୍ନୋ ଇର୍ଆନ୍, “ଏମେ ଲୋକୁ ଅଣଜିହୁଦି ମାଣ୍କୁ ଶାସନ କିନି ଲୋକାୱାଜା ୱେଙ୍ଗ୍ଁନାର୍, ୱାର୍ ୱାରି ମୁସ୍କୁ ଶାସନ୍ କିଜିନାର୍ ମାରି ୱାରି ରାଜାର୍ ୱାରି ମୁସ୍କୁ ଶାସନ୍ କିଜିନାର୍, ମିର୍ ଇୟାକା ନେସ୍ତିମାନିଦେର୍ ।BSBBSB: So Jesus called them together and said, “You know that those regarded as rulers of the Gentiles lord it over them, and their superiors exercise authority over them.
43. 43KFCPମାତର୍ ମି ମାନୁ ଆୟାୱାଜା ସିଲେତ୍; ମାତର୍ ମି ମାଣ୍କୁ ଏନ୍ ଜଦି ପେରିକାନ୍ ଆଦେଙ୍ଗ୍ ବଦା କିନାନ୍, ୱାଣ୍ତ୍ରୁ ମି ସେବାକିନିକାନ୍ ଆପିନ୍ ।BSBBSB: But it shall not be this way among you. Instead, whoever wants to become great among you must be your servant,
44. 44KFCPମାରି ମି ମାଣ୍କୁ ଏନ୍ଆପିନ୍ ପେରିକାନ୍ ଆଦେଙ୍ଗ୍ ବଦାକିନାନ୍, ୱାଣ୍ତ୍ରୁ ୱିଜେରି ଗତିମୁରୁଲି ଆପିନ୍ ।BSBBSB: and whoever wants to be first must be the slave of all.
45. 45KFCPଇରିଙ୍ଗ୍ ମନୁସ୍ୟପୁତ୍ର ଜେ ନାନ୍ ସେବା ପଇଦେଙ୍ଗ୍ ରେଏ, ମାତର୍ ସେବା କିଦେଙ୍ଗ୍ ୱାତାମାନା ମାରି ୱିଜୁ ଲୋକାଙ୍ଗ୍ ରକିୟା କିିଜି ନିଜେଦି ଜିବନ୍ ସିଦେଙ୍ଗ୍ ଇଜି ୱାତାମାନା ।”BSBBSB: For even the Son of Man did not come to be served, but to serve, and to give His life as a ransom for many.”
46. 46KFCPଜିସୁ ମାରି ୱାନି ସିସୁର୍ ଜିରିହୋ ଗାଡ଼୍ତୁ ୱାତାର୍, ମାରି ୱାର୍ ନାଣ୍ତଲୋକୁ ୱାଲେ ସଲ୍ସି ମାର୍ଆର୍, ଯିରିହୋତି ଆୟା ଗାଡ଼୍ ଡ଼ିସ୍ସି ସନିୱାଲେ, ଟିମାୟଦି ମାରିନ୍ ବାର୍ଟୀମୟ ଦରତିକାନ୍ ଅରେନ୍ କାଣା ଭିକାରି ସାରି ଲାକ୍ତୁ ବାସ୍ତା ମାର୍ଆନ୍ ।BSBBSB: Next, they came to Jericho. And as Jesus and His disciples were leaving Jericho with a large crowd, a blind beggar named Bartimaeus, the son of Timaeus, was sitting beside the road.
47. 47KFCPୱାନ୍ ଜେ ନାଜରିତିୟ ଜିସୁ, ଆୟା ସାରିଦୁ ସଲ୍ସିନାନ୍ ଇଜି ୱେନ୍ଜି ଆୟା କାଣା ବିକାରି ନାଣ୍ତ୍ ଆଉଲି ଆଜି ଇର୍ଆନ୍, “ଏ ଦାଉଦତି ମାରିନ୍ ଜିସୁ, ନାଙ୍ଗିଁ ଦୟା କିଆ ।”BSBBSB: When he heard that it was Jesus of Nazareth, he began to cry out, “Jesus, Son of David, have mercy on me!”
48. 48KFCPଆବେନୁ ଏସଲୋକ୍ ୱାନିଙ୍ଗ୍ ଆଲେଜ ମାନ୍ଡ଼୍ରେଙ୍ଗ୍ ଇଜି ଆଦିରିସ୍ତେଙ୍ଗ୍ ଆସ୍ତାର୍, ମାତର୍ ୱାଣ୍ତ୍ରୁ ମାରି ନାଣ୍ତଦାଣ୍ତ୍ ଆଉଲି ଆଜି ଇର୍ଆନ୍, “ଏ ଦାଉଦତି ମାରିନ୍, ନାଙ୍ଗିଁ ଅଡ଼ପ୍ ଦୟା କିଆ !”BSBBSB: Many people admonished him to be silent, but he cried out all the louder, “Son of David, have mercy on me!”
49. 49KFCPଆବେନୁ ଜିସୁ ତେବାତାନ୍ ନୋ ଇର୍ଆନ୍, “ୱାନିଙ୍ଗ୍ କୁକ୍ତୁ ।” ୱାର୍ ଆୟା କାଣା ଭିକାରିତିଙ୍ଗ୍ କୁକ୍ସି ଇର୍ଆନ୍, “ସାସ୍ ଆସ୍ଆ, ନିଂଆ, ଜିସୁ ନିଂଇ କୁକ୍ସିନାନ୍ ।”BSBBSB: Jesus stopped and said, “Call him.” So they called the blind man. “Take courage!” they said. “Get up! He is calling for you.”
50. 50KFCPଆବେଟ୍ ୱାଣ୍ତ୍ରୁ ନିଜେଦି ସାଦର୍ ପୋକ୍ତାନ୍ ନୋ ନିଂଇଜି ଜିସୁ ଲାକ୍ତୁ ୱାତାନ୍ ।BSBBSB: Throwing off his cloak, Bartimaeus jumped up and came to Jesus.
51. 51KFCPଜିସୁ ୱାନିଙ୍ଗ୍ ୱେନ୍ବାତାନ୍, “ନାନ୍ ନି ଉଣ୍ତିଙ୍ଗ୍ ଇନିକା କିନା ଇଜି ନିନୁ ବଦା କିଜିନି ?” ଆୟା କାଣା ଲୋକୁ ଜିସୁଙ୍ଗୁଁ ଇର୍ଆନ୍, “ଏ ଗୁରୁ, ନାନ୍ ଏଣ୍ତେସ୍ ସୁଡ଼ୁଦେଙ୍ଗ୍ ଆଟ୍ନା ।”BSBBSB: “What do you want Me to do for you?” Jesus asked. “Rabboni,” said the blind man, “let me see again.”
52. 52KFCPଜିସୁ ୱାନିଙ୍ଗ୍ ଇର୍ଆନ୍, “ସାଙ୍ଗ୍ଆ, ନି ବିସ୍ବାସ୍ ନିଙ୍ଗିଁ ନେଗେନ୍ କିତାମାନାତ୍ ।” ଆୟା ଦାପ୍ରେନେ କାଣା ୱାନି ସୁଡ଼ୁନି ସାକ୍ତି ପଇତାନ୍ ନୋ ସାରିଦୁ ଜିସୁ ୱେନ୍କା ୱେନ୍କା ବୁଲାଦେଙ୍ଗ୍ ଆସ୍ତାନ୍ ।BSBBSB: “Go,” said Jesus, “your faith has healed you.” And immediately he received his sight and followed Jesus along the road.