Matthew 2828MatthewDeath and resurrectionLingala Bible

Lingala BibleBerean Standard Bible

1. 1LINSima na mokolo ya Saba, na tongo-tongo ya mokolo ya liboso ya poso, Mari, moto ya mboka Magidala, mpe Mari mosusu bakendeki kotala kunda.BSBBSB: After the Sabbath, at dawn on the first day of the week, Mary Magdalene and the other Mary went to see the tomb.
2. 2LINMbala moko, mabele eninganaki makasi, pamba te anjelu ya Nkolo akitaki longwa na Likolo, akendeki na kunda, atindikaki libanga mpe avandaki na likolo na yango.BSBBSB: Suddenly there was a great earthquake, for an angel of the Lord descended from heaven, rolled away the stone, and sat on it.
3. 3LINAzalaki kongenga lokola mikalikali, mpe bilamba na ye ezalaki pembe makasi lokola mvula ya pembe.BSBBSB: His appearance was like lightning, and his clothes were white as snow.
4. 4LINBakengeli bakomaki kolenga mpo na somo mpe bakomaki lokola bato ya kokufa.BSBBSB: The guards trembled in fear of him and became like dead men.
5. 5LINKasi anjelu alobaki na basi : « Bobanga te ! Nayebi ete bozali koluka Yesu oyo babakaki na ekulusu.BSBBSB: But the angel said to the women, “Do not be afraid, for I know that you are looking for Jesus, who was crucified.
6. 6LINAzali lisusu awa te, pamba te asili kosekwa, ndenge kaka alobaki. Boya kotala esika oyo nzoto na Ye ezalaki,BSBBSB: He is not here; He has risen, just as He said! Come, see the place where He lay.
7. 7LINmpe bokende noki koyebisa bayekoli na Ye : ‹ Asili kosekwa kati na bakufi ; akei liboso na bino, na Galile ; ezali kuna nde bokomona Ye. › Yango nde makambo oyo nazalaki na yango ya koyebisa bino. »BSBBSB: Then go quickly and tell His disciples, ‘He has risen from the dead and is going ahead of you into Galilee. There you will see Him.’ See, I have told you.”
8. 8LINBalongwaki noki na kunda, na somo mpe na esengo makasi ; bapotaki mbangu mpo na kokende kopesa sango epai ya bayekoli na Ye.BSBBSB: So they hurried away from the tomb in fear and great joy, and ran to tell His disciples.
9. 9LINMbala moko, Yesu akutanaki na bango mpe alobaki : — Mbote na bino ! Bapusanaki pene na Ye, basimbaki makolo na Ye mpe bagumbamelaki Ye.BSBBSB: Suddenly Jesus met them and said, “Greetings!” They came to Him, grasped His feet, and worshiped Him.
10. 10LINYesu alobaki na bango : — Bobanga te ! Bokende koyebisa bandeko na Ngai ete bakende na Galile ; ezali kuna nde bakomona Ngai.BSBBSB: “Do not be afraid,” said Jesus. “Go and tell My brothers to go to Galilee. There they will see Me.”
11. 11LINWana basi bazalaki kokende, ndambo ya bakengeli bazongaki kati na engumba mpo na koyebisa na bakonzi ya Banganga-Nzambe, makambo nyonso oyo ewutaki koleka.BSBBSB: While the women were on their way, some of the guards went into the city and reported to the chief priests all that had happened.
12. 12LINBakonzi ya Banganga-Nzambe babengaki bakambi ya bato mpe, elongo na bango, basalaki mwango moko, bapesaki mbongo ebele epai ya basodaBSBBSB: And after the chief priests had met with the elders and formed a plan, they gave the soldiers a large sum of money
13. 13LINmpe balobaki na bango : « Tala ndenge bosengeli koloba : ‹ Wana tozalaki kati na pongi, bayekoli na ye bayaki koyiba nzoto na ye, na butu. ›BSBBSB: and instructed them: “You are to say, ‘His disciples came by night and stole Him away while we were asleep.’
14. 14LINSoki likambo yango ekomi na matoyi ya moyangeli, tokoyeba kosolola na ye mpe kosala nyonso mpo ete bomema ngambo te. »BSBBSB: If this report reaches the governor, we will satisfy him and keep you out of trouble.”
15. 15LINBasoda bazwaki mbongo mpe basalaki ndenge kaka batindaki bango. Lisolo yango epanzanaki kati na Bayuda mpe ezali kolobama kino na mokolo ya lelo.BSBBSB: So the guards took the money and did as they were instructed. And this account has been circulated among the Jews to this very day.
16. 16LINBayekoli zomi na moko bakendeki na Galile, na ngomba oyo Yesu ayebisaki bango ete bakende.BSBBSB: Meanwhile, the eleven disciples went to Galilee, to the mountain Jesus had designated.
17. 17LINTango bamonaki Ye, bagumbamelaki Ye ; kasi bamosusu kati na bango bandimaki te.BSBBSB: When they saw Him, they worshiped Him, but some doubted.
18. 18LINYesu apusanaki pene na bango mpe alobaki : — Bokonzi nyonso epesameli Ngai, ezala kati na Likolo to na mokili.BSBBSB: Then Jesus came to them and said, “All authority in heaven and on earth has been given to Me.
19. 19LINBokende, bokomisa bato ya bikolo nyonso bayekoli na Ngai, bobatisa bango na Kombo ya Tata, ya Mwana mpe ya Molimo Mosantu ;BSBBSB: Therefore go and make disciples of all nations, baptizing them in the name of the Father and of the Son and of the Holy Spirit,
20. 20LINbolakisa bango kotosa makambo nyonso oyo natindaki bino. Boyeba malamu ete nazali elongo na bino mikolo nyonso kino na suka ya mokili.BSBBSB: and teaching them to obey all that I have commanded you. And surely I am with you always, even to the end of the age.”